मुख्य पृष्ठ हटलाइन समाचार शिक्षा / स्वास्थ्य राजनिती खेलकुद समाज अपराध अर्थ / व्यापार अन्तराष्ट्रिय भिडियो लेख तथा रचना

खेलकुद


काठमाडौं । अखिल नेपाल फुटबल संघ (एन्फा)ले आसन्न शहीद स्मारक ए डिभिजन लिगमा क्लबहरुले अनुबन्ध गर्न पाउने विदेशी खेलाडीको संख्या बढाएको छ ।

यसअघि चारजना विदेशी राख्न पाउनेमा अब क्लबहरुले पाँचजना विदेशी खेलाडी अनुबन्ध गर्न पाउनेछन् । तर, विदेशी खेलाडीको मापदण्ड परिवर्तन गरिएको छ ।

बुधबार एन्फाको लिग कमिटी र ए डिभिजन क्लबबीचको छलफलपछि क्लबले पाँच जनासम्म विदेशी अनुबन्ध गर्न पाउने र सुरुवाती ११ मा ४ जनामात्र खेलाउन पाउने व्यवस्था गर्न लागिएको हो ।

पाँच विदेशीमध्ये एक जना एसियाली र एक जना दक्षिण एसियाली खेलाडी हुनैपर्ने व्यवस्था छ । ए डिभिजन लिग फागुन १९ गतेदेखि सुरु हुँदैछ । लिगको पहिलो खेल ललितपुरे क्लबहरु फ्रेण्ड्स र खुमलटार एफसीबीच प्रतिस्पर्धा हुँदैछ ।

एन्फाले चैत ४ गतेसम्म सुरुवाती पाँच चरणको मात्र खेलतालिका सार्वजनिक गरेको छ । तीन दर्जन खेलाडी विदेश पलायन भएपछि क्लबहरु स्तरीय खेलाडी अभावमा समस्यामा परेका थिए । पाँच खेलाडी राख्न पाउने नियमबाट उनीहरुले राहत महशुस गरेका छन् ।

पुरा हेर्नुहोस्

काठमाडौं  । भारतको राजधानी नयाँ दिल्लीमा यहि मार्च १३ देखि २७ तारिखसम्म सन्चालन हुन गैरहेको ईबा वल्ड उमन्स् बक्सिङ च्याम्पियनसिप २०२३ मा सहभागी हुन आयाेजित छनाैट प्रतियोगितामा ५० किलाे ताैल समुहमा एचटुओकी अस्मिता दुवाल छनाैट  भएकी छिन् ।

आज सम्पन्न भएकाे फ्लाई लाईट वैट ५० किलो तौल समुहकाे फाइनल खेलमा एचटुओका अस्मिता दुवालले नेपाल प्रहरीका दिवाना शेर्मालाई ३:२ अंक (स्पिलट डिसिजन) को आधारमा पराजित गर्दै छनाैट भएकी हुन् । दुवाल र शेर्माले क्रमश: सेमिफाइनल खेलहरुमा आरडीएक्सका रमिशा श्रेष्ठलाई ४ः१ को स्पिलट डिसिजनमा र आर्मीका आरती बम्जनलाई ४ः१ अंक (स्पिलट डिसिजन) को आधारमा पराजित गर्दै फाईनल प्रवेश गरेका थिईन् ।

महिला ५२ केजी ताैल समुहको फाईन लखेलमा अन्जनी तेलीले टिएसीका वर्षा श्रेष्ठ लाई ५:० आधारकाे आधारमा र ५४ किलाे ताैल समुहमा मिनु गुरुङले एपीएफका शर्मिला तामाङलाई ५:० अंककाे आधारमा जित हासिल गर्दै छनाैट भएका छन् ।

महिला फेदर वैट ५७ किलो तौल समुहकाे फाईनल खेलमा आर्मीका चन्द्र कला थापाले झापाका सुस्मिता राईलाई ५:० अंककाे आधारमा पराजित गर्दै छनाैट भएकी छन् । भने ६० किलो तौल समुहकाे फाईनल खेलमा एपीएफका संगिता सुनारले आर्मीका निरु गुरुङ्गलाई ४ः१ अंककाे आधारमा पराजित गर्दै छनाैट भएकी छिन् । त्यसैगरी  मिडिल वैट ७५ किलाे तौल समुहकाे फाईनल खेलमा एपीएफका सरस्वती रानामगरले झापाका त्रिसा जवेगुलाई ५ः० अंकको आधारमा पराजित गर्दै छनाैट भएकि थिईन् ।

नेपाल बक्सिङ संघद्वारा आयाेजित राष्ट्रब्यापी खुल्ला छनाैट प्रतियोगितामा महिला ४८ किलाे ताैल समुहमा भर्खरै थाईल्याण्डकाे राजधानी बैंकक सहरमा एएसबिसी द्वारा आयाेजित   यू-२२ एशियन च्याम्पियनसिपमा रजत पदक विजेता सुस्मा तामाङ संघकाे निर्णय अनुसार यस अघि नै छनाैट भएकी छिन् । भने  ५० किलाे मा अस्मिता दुवाल, ५२ किलाेमा अन्जनी तेली, ५४ किलाेमा १३ औँ सागका संवरण पदक विजेता मिनु गुरुङ, ५७ किलाे ताैल समुहमा चन्द्रकला थापा, ६० किलाे ताैल समुहमा संगिता सुनार र ७५ किलाे ताैल समुहमा सरस्वती रानामगर गरि जम्मा ७ जना खेलाडीहरु छनाैट भएकाे संघका प्रवक्ता श्यामकाजि अवालेले जानकारी दिएका छन् । उनका अनुसार छनाैट भएका खेलाडीहरु मध्यबाट उत्कृष्ट खेलाडीहरुलाई मात्र भारतको राजधानी नयाँ दिल्लीमा यहि मार्च १३ देखि २७ तारिखसम्म सन्चालन हुन गैरहेको ईबा वल्ड उमन्स् बक्सिङ च्याम्पियनसिप २०२३ मा सहभागीता गराईने छ  ।

 

पुरा हेर्नुहोस्

काठमाडौं । साफ यू–२० महिला च्याम्पियनसिपको उपाधिका लागि नेपालले आज घरेलु टोली बंगलादेशसँग खेल्दैछ ।

बिहीबार ढाकास्थित बीएसएस मोस्ताफा कमल स्टेडियममा नेपाली समय अनुसार साँझ पौने ६ बजे खेल हुनेछ । यो खेलमा नेपाल नयाँ रणनीतिका साथ मैदान उत्रिने छ ।

फाइनलमा घरेलु टोली विरुद्ध बदला लिँदै उपाधि जित्ने लक्ष्यमा नेपाल छ । पहिलो खेलमै नेपाल घरेलु टोली बंगलादेशसँग पराजित भएको थियो । पहिलो खेल हारे पनि त्यसपछि प्रदर्शनमा सुधार गर्दै नेपालले भुटान र भारतलाई हराएर फाइनलमा स्थान बनाएको हो । साविक विजेता तथा बलियो टोली भारत विरुद्ध एक गोलले पछि परेपनि ३–१ को शानदार पुनरागमन जित निकालेको नेपाली टोली अहिले लयमा छ ।

खेल्ने शैली परिवर्तन हुनेछ : मुख्य प्रशिक्षक गुरुङ

नेपालका मुख्य प्रशिक्षक याम बहादुर गुरुङले बुधबार भएको प्रिम्याच कन्फ्रेन्समा नयाँ रणनीतिमा मैदान उत्रने बताए । ‘निश्चय नै बंगलादेशलाई घरेलु मैदानको फाइदा छ । तर हामी राम्रो प्रतिस्पर्धा गर्नेमा विश्वस्त छौँ । हामी अर्कै तरिकाले खेल्नेछौं । शैली परिवर्तन हुनेछ ।’ गुरुङले भने ‘हामीलाई बंगलादेशको कमजोर पक्ष थाहा छ र हामी त्यसैलाई केन्द्रित गरेर खेल्नेछौं ।’

उता घरेलु टोली बंगलादेशका प्रशिक्षक घोलम रब्बानीले फाइनल खेल प्रतिस्पर्धात्मक हुने बताए । ‘फाइनल प्रतिस्पर्धात्मक र उत्साहित हुनेछ,’ रब्बानीले भने, ‘नेपाल राम्रो टिम हो । बलियो टोली भारतलाई हराएको छ । त्यसैले फाइनल प्रतिस्प्रधात्मक हुनेछ ।’

घोलमकै प्रशिक्षणमा बंगलादेशको सिनियर महिला टोलीले गत सेप्टेम्बरमा काठमाडौंमा भएको साफ महिला च्याम्पियनसिपको उपाधि जितेको थियो ।

 

पुरा हेर्नुहोस्

काठमाडौं  । भारतको राजधानी नयाँ दिल्लीमा यहि मार्च १३ देखि २७ तारिखसम्म सन्चालन हुन गैरहेको ईबा वल्ड उमन्स् बक्सिङ च्याम्पियनसिप २०२३
(IBA World Women's Boxing Championship - 2023) चन्द्रकला थापा, संगिता सुनार र सरस्वती रानामगर छनाैट भएका छन् ।

नेपाल बक्सिङ संघद्वारा आयाेजित राष्ट्रब्यापी खुल्ला छनाैट प्रतियोगिताकाे फेदर वैट ५७ किलो तौल समुहकाे फाईनल खेलमा आर्मीका चन्द्र कला थापाले झापाका सुस्मिता राईलाई ५:० अंककाे आधारमा पराजित गर्दै छनाैट भएकि थिईन् । भने ६० किलो तौल समुहकाे फाईनल खेलमा एपीएफका संगिता सुनारले आर्मीका निरु गुरुङ्गलाई ४ः१ अंककाे आधारमा पराजित गर्दै छनाैट भएकी थिईन् । त्यसैगरी  मिडिल वैट ७५ किलाे तौल समुहकाे फाईनल खेलमा एपीएफका सरस्वती रानामगरले झापाका त्रिसा जवेगुलाई ५ः० अंकको आधारमा पराजित गर्दै छनाैट भएकि थिईन् ।

आज सम्पन्न भएकाे फ्लाई लाई वैट ५० किलो तौल समुहकाे सेमिफाइनल खेलहरुमा एचटुओका अस्मिता दुआलले आरडीएक्सका रमिशा श्रेष्ठलाई ४ः१ को स्पिलट डिसिजनमा पराजित गरिन भने साेहि ताैल समुहमा नेपाल प्रहरीका दिवाना शेर्माले आर्मीका आरती बम्जनलाई ४ः१ को स्पिलट डिसिजलको आधारमा पराजित गर्दै फाईनल प्रवेश गरेकी छिन् । ५० किलाे ताैल समुहकाे फाईनल खेल भाेली २६ गते बिहान ८ बजे हुने प्रवक्ता श्याम काजि अवालेले जानकारी दिएकाछन् ।

 

पुरा हेर्नुहोस्

ललितपुर । भारतको राजधानी नयाँ दिल्लीमा यहि मार्च १३ देखि २७ तारिखसम्म सन्चालन हुन गैरहेको ईबा वल्ड उमन्स् बक्सिङ च्याम्पियनसिप २०२३
(IBA World Women's Boxing Championship - 2023) मा अन्जनी तेली (बक्समाण्डु) र मिनु गुरुङ (टिएसी) छनाैट भएका छन् । आज भएकाे ५२ केजी ताैल समुहको फाईन लखेलमा अन्जनी तेलीले टिएसीका वर्षा श्रेष्ठ लाई ५:० आधारकाे आधारमा र मिनु गुरुङले एपीएफका शर्मिला तामाङलाई ५:० अंककाे आधारमा जित हासिल गरेका छन् ।

सातदोबाटो स्थित बक्सिङ कभर्डहलमा नेपाल बक्सिङ्ग संघले संचालन गरेकाे उक्त छनाैट खेलमा ५० केजी ताैल समुहको क्वाटरफाइनल खेलहरुमा रमिसा श्रेष्ठ (आरडिएस) र आरति बम्जन (टिएसी) ले क्रमश: एनपिसीका रिता धरला र झापाका तेजिमाया गुरुङलाई  ४:१ र ५:० अंककाे आधारमा जित हासिल गर्दै सेमिफाइनल प्रवेश गरेकाछन् । भने सेमिफाइनल ५७ केजी ताैल समुहमा झापाका खेलाडी शुस्मिता राईले एनपिसिका निशा तामाङलाई ३:२ अंकाकाे आधारमा जित हासिल गर्दै फाईनल प्रवेश गरेकी छिन् । त्यसैगरि ७५ केजी ताैल समुहमा एपिएफका खेलाडी सरस्वती राना मगरले टिएसीका खेलाडी अनुपा चाैधरीलाई एबिडीकाे आधारमा जित हासिल गर्दै फाईनल प्रबेश गरेकी छिन् ।

आजकाे छनाैट प्रतियोगितामा नेपाल बक्सिङ संघका अध्यक्ष राम अवाले, उपाध्यक्ष किरण बहादुर श्रेष्ठ, महासचिव सविन भट्टचार्य, काेषाध्यक्ष गाैतम सुजखु, तालिम तथा प्रशिक्षण विभाग प्रमुख तथा मुख्य प्रशिक्षक प्रचण्ड शर्मा, निवर्तमान मुख्य प्रशिक्षक प्रकाश थापामगर, ओेलम्पियन प्रविन तुलाधर, विष्णु बहादुर सिंह, मान बहादुर श्रेष्ठ,राम बहादुर गिरी, केन्द्रीय सदस्य श्यामकाजि अवाले, मान बहादुर भण्डारी, पुष्कर राज पन्त लगाएत बक्सिङ खेलप्रेमि महानुभावहरुकाे उपस्थिति रहेकाे थियाे ।

पुरा हेर्नुहोस्

काठमाडौं । भारतविरुद्ध ३-१ को पुनरागमन जितसहित नेपाल बंगलादेशमा जारी साफ यू-२० महिला च्याम्पियनसिपको फाइनलमा प्रवेश गरेको छ ।

ढाकास्थित बीएसएसएस मोस्ताफा कमल स्टेडियममा मंगलबार भएको लिग चरणको आफ्नो अन्तिम खेलमा नेपालले उत्कृष्ट प्रदर्शन गर्दै भारतलाई पराजित गरेको हो । पहिलो हाफमा एक गोलले पछि परेको नेपालले दोस्रो हाफमा पुनरागमन गर्दै तीन गोल गर्‍यो ।

खेलको २१औं मिनेटमा अपुर्व नाजारीले गोल गर्दै भारतलाई अग्रता दिलाएकी थिइन् ।

तर ४७औं मिनेटमा अन्जली चन्दले नेपालका लागि बराबरी गोल गर्दै खेलमा फर्काइन् । कप्तान प्रिती राईले ६८औं मिनेटमा पेनाल्टी मार्फत गोल गर्दै नेपाललाई २-१ को अग्रता दिलाइन् । अग्रता बनाएपछि भारतमाथि हावी भएको नेपालका लागि अमिसा कार्कीले ८९औं मिनेटमा गोल गर्दै ३-१ को जित दिलाइन् ।

पहिलो खेलमा बंगलादेशसँग ३-१ ले पराजित भएको नेपालले दोस्रो खेलमा भुटानलाई ४-० ले पराजित गरेको थियो ।

नेपालले तीन खेलबाट दुई जित र एक हारसहित ६ अंक जोड्‍यो ।

भारतले भने एक जित एक हार र एक बराबरीबाट ४ अंक मात्र जोड्न सक्यो । हारपछि भारत भने फाइनल होडबाट लगभग बाहिरिएको छ । भारतले फाइनल पुग्ने हो भने आजै हुने अर्को खेलमा भुटानले बंगलादेशलाई अनिवार्य पराजित गर्नुपर्नेछ ।

तर यसअघिका दुई खेल हार्दै बाहिरिसकेको भुटानले बंगलादेशलाई हराउनु निकै चुनौतीपूर्ण छ ।

नेपाल फाइनल पुगेको यो दोस्रो पटक हो । सन् २०१८ मा पहिलो पटक भएको च्याम्पियनसिपमा नेपाल फाइनलमा बंगलादेशसँग पराजित भएको थियो ।

पुरा हेर्नुहोस्

काठमाडौं । भारतमा पहिलो पटक हुन लागेको महिला आईपीएल क्रिकेट (वुमन्स प्रिमियर लिग) डब्लूपीएलको अक्सनका लागि नेपालका ५ खेलाडीको नाम सिफारिस भएको छ ।

राष्ट्रिय महिला टिमकी कप्तान रुविना क्षेत्रीसहित सीता राना मगर, इन्दु बर्मा, कविता कुँवर र अस्मिना कर्माचार्यको नाम लिगका लागि सिफारिस भएको हो ।

नेपाल क्रिकेट संघ (क्यान) ले पाँच खेलाडीको नाम लिगका लागि सिफारिस गरेर भारतीय क्रिकेट बोर्डमा पठाएको क्यानका कार्यवाहक सचिव दुर्गाराज पाठकले जानकारी दिएका छन ।

‘वुमन्स प्रिमियर लिगमा सम्बन्धित देशको बोर्डले नै खेलाडीको नाम सिफारिस गरेर पठाएको हो । लिगमा एसोसिएट राष्ट्रका खेलाडीहरुको लागि पनि कोटा रहेकोले हाम्रो खेलाडीहरुको लागि पनि यो राम्रो अवसर रहेको छ’, पाठकले भने ।

लिगका लागि यही फेब्रुअरी १३ मा अक्सन हुँदैछ । भारतीय क्रिकेट बोर्ड बीसीसीआईका सीईओ हेमाङ्ग अमिनका अनुसार अक्सनका लागि एक हजार ५०० खेलाडीको नाम रजिस्टर भएको र यसै साता अक्सनको लागि अन्तिम लिस्ट सार्वजनिक हुनेछ ।

अन्तिम लिस्टमा हुने खेलाडी अक्सनमा समावेश हुनेछन् । डब्लूपीएल आगामी मार्च ४ देखि २६ सम्म मुम्बईमा हुनेछ । जसमा ५ टिमले प्रतिस्पर्धा गर्नेछन् । डबल राउण्ड रोविनका आधारमा हुने लिगमा कूल २२ खेल हुनेछ ।

लिगमा हरेक टिमले बढीमा १८ खेलाडी राख्न पाउनेछन् भने कम्तीमा १५ खेलाडी हुनुपर्नेछ । यस्तै एक टिमले ७ जना विदेशी खेलाडी राख्न पाउनेछन् र त्यसमा एक जना एसोसिएट राष्ट्रको अनिवार्य हुनुपर्नेछ । प्लेइङ ११ मा पनि एक जना विदेशी खेलाडी अनिवार्य खेलाउनुपर्नेछ ।

पुरा हेर्नुहोस्

हेटौंडा । प्रदेश खेलकुद विकास परिषद्, बागमती प्रदेश र मकवानपुर जिल्ला बक्सिङ संघकाे संयुक्त आयाेजनामा अल नेपाल नाेभिस (महिला तथा पुरुष) बक्सिङ प्रतियोगिता २०७९ फागुन १५ देखि २० गते सम्म आयोजना हुने भएकाे छ ।

अल नेपाल  नाेभिस (महिला तथा पुरुष) बक्सिङ प्रतियोगितामा मिति २०५९/०१/०१ देखि २०६२/१२/३० गते सम्म जन्मिएका नेपाली नागरिकता लिएका महिला तथा पुरुष खेलाडीहरुले मात्र सहभागी हुन पाउनेछ । महिला ४८ केजी, ५० केजी, ५२ केजी, ५४ केजी, ५७ केजी, ६० केजी, ६३ केजी, ६६ केजी गरि ८ ताैल समूह र पुरुष ४८ केजी, ५१ केजी ५४ केजी, ५७ केजी, ६० केजी, ६३.५ केजी, ६७ केजी, ७१ केजी र ७५ केजी गरि ९ ताैल समुह गरि जम्मा १७ ताैल समुह समावेश गरिएकाे छ । 

प्रतियोगितामा प्रथम, दितिय र तृतीय हुने खेलाडीहरुले क्रमश: जनहि दस हजार, पाँच हजार र तीन-तिन हजार रुपैयाँ, मेडल र प्रमाणपत्र पाउनेछ ।  महिला र पुरुष टिम प्रथम हुनेले क्रमश पाँच हजार रुपैयाँ, ट्रफि, प्रमाण पत्र पाउने छ भने महिला र पुरुष उत्कृष्ट बक्सरले जनही पाँच हजार रुपैयाँ र एक जाेर ग्लाेब्स पाउने आयाेजकले जनाएकाे छ ।

मकवानपुर जिल्ला हेटौंडा उपमहानगर पालिका-४ पारिजातपथ स्थित हेटौंडा कभर्डहलमा आयाेजना हुने उक्त प्रतियोगितामा सहभागी खेलाडीहरुलाई सरकारी नियामानुसार यातायात खर्च, आवास तथा खाना बापत १५००/- मा १५% करकट्टी गरिहुन आउने रकम दैनिक भत्ताकाे व्यबस्था गर्ने समेत जनाएकाे छ । प्रदेश खेलकुद विकास परिषद्, बागमती प्रदेशले विनियोजन गरेकाे  ३५ लाखकाे लागतमा नेपाल बक्सिङ संघकाे तत्वाधानमा आयाेजना हुन लागेकाे उक्त नाेभिस बक्सिङ प्रतियोगितामा देशैभरिबाट पहिलाे पटक रिङमा प्रवेश गर्ने खेलाडीहरुकाे सहभागीता रहने र खेल ईबाकाे नियम अनुसार खेलाईने छ भने ५ जना महिला तथा पुरुष खेलाडी सहभागी टिममा एक जना प्रशिक्षक मात्र र छ जना भन्दा बढी महिला तथा पुरुष खेलाडी सहभागी टिममा एक जना प्रशिक्षक र एकजना ब्यबस्थापक मात्र सहभागी हुन पाउने आयाेजकले जनाएकाे छ ।

हेटौंडा स्थित राेड हाउस रिसाेर्टमा मकवानपुर जिल्ला बक्सिङ संघकाे अध्यक्ष दिपेश जाेशीकाे संचालन तथा प्रदेश खेलकुद विकास परिषदका बाेर्ड सदस्य धनकुमार मैनालीकाे अध्यक्षतामा आयाेजित पत्रकार सम्मेलन मार्फत उक्त प्रतियोगिताकाे विषयमा पत्रकार सम्मेलन मार्फत जानकारी गराएकाे थियाे ।

पत्रकार सम्मेलनमा नेपाल बक्सिङ संघका महासचिव सविन भट्टचार्यकाे विशेष उपस्थिति रहेकाे थियाे । भने मकवानपुर जिल्ला खेलकुद विकास समितिका अध्यक्ष भेष खड्गी, राखेप सहायक बक्सिङ  प्रशिक्षक लाल बहादुर पाैडेल, हेटौंडा उमनपा-५ का वडा अध्यक्ष तथा जिल्ला बक्सिङ संघका उपाध्यक्ष सुशील घिमिरे, अन्तर्राष्ट्रिय वान स्टार रेफ्री/जज द्वय ईन्द्र बहादुर श्रेष्ठ, अनिल प्रसाद दाहाल लगाएत खेलाडी तथा खेलप्रेमी महानुभावहरुकाे उपस्थिति रहेकाे थियाे ।

मिति: २०७९/१०/२३

प्रेस विज्ञप्ति

बिषय : अल नेपाल नोभिस महिला तथा पुरुष बक्सिङ प्रतियोगिता-२०७९

उपर्युक्त सम्बन्धमा बक्सिङ खेलको विकास र बिस्तारको लागि पहिलो पटक रिङमा खेल खेल्न प्रोत्साहन गर्ने हेतुले बागमती प्रदेशको राजधानी मकवानपुर जिल्ला हेटौडा उ.म.न.पा वडा ४ स्थित हेटौडा कभर्डहलमा नेपाल बक्सिङ संघको तत्वाधान तथा प्रदेश खेलकुद विकास परिषद्, बागमती प्रदेश र मकवानपुर जिल्ला बक्सिङ संघको संयुक्त आयोजनामा मिति २०७९ फाल्गुण १५ गते देखि २० गते सम्म अल नेपाल नोभिस महिला तथा पुरुष बक्सिङ प्रतियोगिता-२०७९ संचालन हुने जानकारी गराउन चाहन्छौँ | यस प्रतियोगितामा योग्यता पुगेको नेपाली महिला तथा पुरुष खेलाडीहरु देशै भरी बाट सहभागिताका लागि हार्दिक निमन्त्रणा गर्दछौ ।

तपशिल:
१.प्रतियोगिताको नाम: अल नेपाल नोभिस महिला तथा पुरुष बक्सिङ प्रतियोगिता-२०७९(All Nepal Novice Man and Women's Boxing
Championship-2079)

२.प्रतियोगितको बजेट: ३५०००००/-(अक्षरुपि पैतिस लाख)
३.तौल समुह: 
महिला: ४८ के.जी, ५० के.जी, ५२ के.जी, ५४ के.जी, ५७ के.जी, ६० के.जी, ६३ के.जी, ६६ के.जी
पुरुष: ४८ के.जी, ५१ के.जी, ५४ के.जी, ५७ के.जी, ६० के.जी, ६३.५ के.जी, ६७ के.जी, ७१ के.जी, ७५ के.जी
४.सहभागी खेलाडीकाे जन्म मिति : यस प्रतियोगितामा मिति २०५९/०१/०१ देखि २०६२/१२/३० सम्म जन्मेका खेलाडीहरुले मात्र सहभागिता जनाउन पाउनेछ |
५.प्रतियोगिता आयाजना मिति/स्थान: २०७९ फाल्गुण १५ गते देखि २० गते सम्म/ हेटौडा कभर्डहल, हेटौडा उ.म.न.पा वडा ४, पारिजातपथ ।

६.स्वास्थ्य परिक्षण तथा ताैल लिने मिति/समय: फाल्गुण १६ गते बिहान ७ देखि ९ बजे सम्म ।

७.पोशाक: रिङ पोशाक तथा अन्य आवश्यक समाग्री आफै व्यवस्था गर्नु पर्ने ।

८.नियमानुसार यातायात खर्च (गाडी भाडा मात्र) दिईनेछ ।

९.आवास तथा खानाको लागि रु १५०० मा १५% करकट्टी गरी दैनिक भत्ता दिईनेछ । जसमा प्रतियोगिताको अवधि बाहेक आएको दिन र गएको दिन गरी जम्मा १ दिनको मात्र अतिरिक्त भत्ता उपलब्ध गराइनेछ ।

१०.प्रतियोगिता सम्बन्धि नियम:
क. IBA को नियम अनुसार खेलाईनेछ ।
ख. ३/३ मिनेटको ३ राउण्ड र बिचमा १/१ मिनेट बिश्राम दिईनेछ ।
ग. प्रदेश प्रतियोगिता, राष्ट्रब्यापी/अन्तराष्ट्रिय बक्सिङ प्रतियोगिताहरुमा सहभागी जनाएका खेलाडीहरुले यस खेलमा सहभागी हुन पाउने छैन । 
घ.५ जना सम्म (महिला/पुरुष) खेलाडी सहभागी भएको टिमबाट १ जना मात्र प्रशिक्षक आउन पाउने छ भने ६ वा ६ भन्दा बढी (महिला/पुरुष) खेलाडीहरु सहभागी टिमबाट १ जना प्रशिक्षक र १ जना व्यवस्थापक आउन पाउनेछ ।
ङ. २०७९ फाल्गुण १ गते भित्र खेलाडी र अफिसियलको नामावली सहित टिम दर्ता गराईसक्नु पर्नेछ ।
च.एक टिमबाट एक तौल समूहमा एक जना मात्र खेलाडी सहभागिता गराउन पाउनेछ ।
छ.प्रतियोगितामा कुनै विवाद आएमा आयोजकको निर्णय अन्तिम हुनेछ । बाउट रिभिउ तथा प्रोटेस्ट लाग्ने छैन ।
११.डकुमेन्ट: 
क.नेपाली नागरिकताको सक्कल प्रति अनिवार्य ल्याउनु पर्नेछ ।
ख.IBA रेकर्ड बुक अनिवार्य ल्याउनु पर्नेछ । नभएमा रु ५००|- तिरी नयाँ बुक लिन पाउनेछ ।

१२.पुरस्कार रकम :
प्रथम : १००००, मेडल, प्रमाणपत्र
द्वितीय : ५०००, मेडल, प्रमाणपत्र
तृतीय (२ जना): ३०००, मेडल, प्रमाणपत्र
टिम च्याम्पियन: शिल्ड, प्रमाणपत्र
उत्कृष्ट बक्सर (महिला/पुरुष): बक्सिङ ग्लोब्स, ५०००

१३.अन्य कुनै जिज्ञासा वा सुझाब भएमा ९८५१००५९०९/९८४५१०४९५४/९८५११४७६२० मा सम्पर्क गर्नुहोला ।

नोट: यदि कसैले नन-बक्सरहरुलाई लिएर आई प्रतियोगितामा सहभागी गराउने कार्य गरेमा आयोजक कमिटिले त्यस्ता टिमको व्यवस्थापन खर्च व्यहोर्ने छैन ।

आयोजक:
प्रदेश खेलकुद विकास परिषद 
बागमती प्रदेश, हेटौडा 
तथा 
मकवानपुर जिल्ला बक्सिङ संघ

पुरा हेर्नुहोस्

काठमाडौं । भारतका मोन्टी देशाई नेपाली राष्ट्रिय क्रिकेट टिमको प्रमुख प्रशिक्षक नियुक्त भएका छन् । करिब एक महिना लामो प्रक्रिया पूरा गरी युवा तथा खेलकुद मन्त्रालयले मोन्टीलाई नियुक्त गर्न बाटो खोलेको हो ।

राष्ट्रिय खेलकुद परिषद (राखेप) संघ संस्था समन्वय शाखा प्रमुख चन्द्र राईले युवा तथा खेलकुद मन्त्रालयले पारित गरी आएको पत्र क्यानलाई पठाइसकिएको जानकारी दिएका छन । ‘प्रारम्भिक सहमति आएको छ । अब सम्झौता गरी औपचारिक रुपमा प्रशिक्षण सुरु गर्न पाउनुहुन्छ । थप केही प्रक्रियाहरु चल्दै गर्नेछन्’, राईले भने ।

औपचारिक नियुक्ति हुन बाँकी रहे पनि अघिल्लो साताको आइतबारदेखि नै मोन्टीले नेपाल क्रिकेट टिमलाई आनौपचारिक प्रशिक्षण गराइरहेका छन् । नेपालले आईसीसी क्रिकेट विश्वकप लिग टू अन्तर्गत त्रिवि मैदान कीर्तिपुरमा नामिविया र स्कटल्याण्डसँग त्रिकोणात्मक शृंखला खेल्दैछ ।

लिग टू मा रहेका ७ टिमबीच अन्तिमबाट दोस्रो स्थानमा रहेको नेपालले आसन्न एकदिवशीय विश्वकप छनोटमा स्थान बनाउन तथा एकदिवशीय मान्यता कायम राख्न शृंखलामा अधिकांश खेल जित्नुपर्ने स्थिति छ ।

नेपाल क्रिकेट संघ क्यानको खेलाडी छनोट समितिले २४ पुसमा राष्ट्रिय टिमको प्रमुख प्रशिक्षकका लागि आवेदन आह्वान गरेको थियो । एक साताको समयमा आवेदन दिएका २४ जनामध्येबाट सर्टलिष्टमा परेका ५ जनाको ४ माघमा अन्तर्वार्ता लिइएको थियो ।

आवेदन दिएकामध्ये भारती प्रशिक्षक मोन्टी देशाई, नेपालकै पूर्व प्रशिक्षक अस्ट्रेलियाली डेभ ह्वाटमोर, श्रीलंकाका महान बलर धम्मिका प्रसाद, बंगलादेश क्रिकेट टिमका निवर्तमान प्रमुख प्रशिक्षक दक्षिण अफ्रिकी रसेल क्रेग डोमिंगो र न्युजिल्याण्ड टी–२० टिमका पूर्व प्रमुख प्रशिक्षक ग्लेन पोकनलसँग अन्तर्वार्ता लिइएको हो ।

क्यानको प्रशिक्षक छनोट समितिले मोन्टीको नाम सिफारिस गरेपछि कार्यसम्पादन समितिले निर्णय गरी ११ माघमा राखेपलाई सहमतिका लागि पठाएको थियो । राखेपले मन्त्रालय पठाए पनि युवा तथा खेलकुद मन्त्रालयको जिम्मेबारी पनि प्रधानमन्त्री प्रचण्डले नै सम्हालेको हुनाले गत विहीबार प्रधानमन्त्री कार्यालय पुगेको प्रशिक्षक नियुक्ति फाइल शुक्रबार सदर भएर आइतबार राखेप आएको हो ।a

पुरा हेर्नुहोस्

काठमाडौं । शहीद स्मार ए डिभिजन लिगका लागि कुपण्डोलको फ्रेण्ड्स क्लबले दुई मिडफिल्डर रुपेश केसी र डोना थापालाई अनुबन्ध गरेको हो ।

फ्रेण्ड्सले दुई खेलाडीलाई अनुबन्ध गरेको सामाजिक सञ्जालमार्फत जानकारी गराएको हो ।

रुपेशले यसअघि मनाङ मर्स्याङ्दी क्लबबाट लिग खेलेका थिए भने डोनाले थ्रीस्टार क्लबबाट खेलेका थिए । नयाँ सिजनका लागि टिम तयार पार्ने क्रममा फ्रेण्ड्सले खेलाडीहरु अनुबन्ध गरिरहेको छ ।

फ्रेण्ड्सले यसअघि गोलकिपर विशाल सुनार र फरवार्ड राजेश परियारलाई अनुबन्ध गरेको हो । यस्तै डिफेण्डर असिम भुसालको सम्झौता नवीकरण गरिसकेको छ ।

अखिल नेपाल फुटबल संघ (एन्फा) ले नयाँ सिजनको लिग फागुन १९ गतेदेखि सुरु गर्ने तालिका सार्वजनिक गरिसकेको छ । फ्रेण्ड्सले नवप्रवेशी एफसी खुमटारसँग उद्घाटन खेल खेल्दै लिग सुरुवात गर्नेछ ।

 

पुरा हेर्नुहोस्

काठमाडौँ । अखिल नेपाल फुटबल संघ (एन्फा) को आयोजनामा हुन लागेको ए डिभिजन लिग फुटबलको तयारी तीव बनाइएको छ । एन्फाका अनुसार लिगका लागि सहभागी हुन १४ वटा क्लबले क्लब दर्ता गराएका छन् । जसअनुसार एन्फाले लिगको तयारी खर्च स्वरुप हरेका क्लबहरुलाई प्रमथ किस्ता स्वरुप जनही रु १५ लाख रुपैयाँ उपलब्ध गराइसकेको प्रवक्ता सुरेश शाहले जानकारी दिए । उनले क्लबहरुलाई खेलाडी दर्ताको लागि यही माघ २९ गतेसम्मको मिति तय गरिएको पनि जनाए । फागुन १९ गतेदेखि हुने लिगमा डबल राउन्ड रोबिनको आधारमा १८२ खेलहरु खेलाइनेछ । ती खेलहरु दशरथ रंगशाला, च्यासल खेल मैदान र एन्फा कम्प्लेक्सस्थित खेल मैदानमा संचालन गरिने छ ।

सबै खेल मैदानको तयारी पनि एन्फाले तदारुकताका साथ अघि बढाएको छ । एन्फाले पाँचौ चरणसम्मको खेल तालिका सार्वजानिक गरिसकेको छ भने बाँकी खेल तालिका पाँचौ चरण सकिएपछि सार्वजानिक गर्ने जनाएको छ । शाहका अनुसार लिगको मार्केटिङ्ग, बोर्डकास्टिङ्ग र टिकेटिङ्गको टेन्डर आह्वान गरिसकिएको छ भने सो टेन्डरहरु यही माघ २३ गते खुला गरिने छ। लिगमा प्रथम हुने टिमले नगद रु ७५ लाख, द्धितीय हुनेले रु ५० लाख र तृतीय हुनेले रु २५ लाख पुरस्कार स्वरुप पाउने छन् । यस्तै लिगमा एक क्लबले फेयर प्ले अर्वाड स्वरुप रु तीन लाख पुरस्कार उपलब्ध गराइने छ भने प्रतियोगितको सवोत्कृट खेलाडीलाई रु तीन लाख पुरस्कार उपलब्ध गराइने छ ।

त्यस्तै उत्कृष्ट गोलकिपर र उच्च गोलकर्तालाई समान रु दुइ–दुइ लाख पुरस्कार उपलब्ध गराइने छ। लिगको एक उदयमान खेलाडीलाई इर्मजिङ्ग प्लेयर घोषणा गरेर नगद रु एक लाख पचास हजार दिइने पनि एन्फाले जनाएको छ । हरेक खेलको विजेता टोलीलाई थप नगद रु ५०,००० पुरस्कार पनि दिइने छ। खेल बराबरी भएको खण्डमा दुवै टोलीलाई समान रु २५,००० दिइने छ । हरेका खेलको उत्कृष्ट खेलाडीलाई प्लेयर अफ द म्याच स्वरुप रु १०,००० दिइने छ । शहिरु स्मारक ए डिभिजन लिगको अनुमानित लागत करिब रु १२ करोड रहेको छ।

पुरा हेर्नुहोस्

काठमाडौँ । क्रिकेटर सन्दीप लामिछानेको मुद्दा शुक्रवार सर्वोच्च अदालतमा सुनुवाइ हुँदै छ । लामिछानेको मुद्दा न्यायाधीश हरि प्रसाद फुयालको इजलासमा परेको छ । क्रिकेटर सन्दीप लामिछानेलाई थुनामै राख्नुपर्ने माग राख्दै महान्यायाधिवक्ताको कार्यालयले माघ १७ मा सर्वोच्च अदालतमा निवेदन दिएको थियो ।

महान्यायाधिवक्ताको कार्यालयले फौजदारी कार्यबिधि संहिता–२०७४ को दफा ७३ अनुसार बेरितको आदेश बदर गर्न माग गरेको छ । यसअघि उच्च सरकारी वकिलको कार्यालयले सर्वोच्चमा जानुपर्ने राय महान्यायाधिवक्ताको कार्यालयलाई दिएको थियो ।

पुस २९ मा लामिछाने २० लाख धरौटी बुझाएर रिहा भएका थिए । उच्च अदालत पाटनका न्यायाधीश न्यायाधीश ध्रुवराज नन्द र रमेश ढकालले शर्त सहित उनलाई रिहा गर्न आदेश दिएका थिए । उच्च अदालतले जिल्ला अदालत काठमाडौँले गरेको पुर्पक्षका लागि थुनामा पठाएको आदेश बदर गरेको थियो ।

पुरा हेर्नुहोस्

काठमाडौं । बलात्कार अभियोगपछि साढे तीन महिना निलम्बनमा परेर फुकुवा भएका पूर्व कप्तान सन्दीप लामिछाने राष्ट्रिय क्रिकेट टिममा समावेश भएका छन् ।

नेपाल क्रिकेट संघ (क्यान)को बोर्ड बैठकले बुधबार सन्दीपको निलम्बन फुकुवा गर्ने निर्णय गरेको थियो ।

राष्ट्रिय टिममा फर्काउने अधिकार भने खेलाडी छनोट समितिलाई दिइएको थियो । क्रिकेटका प्रमुख छनोटकर्ता दीपेन्द्र चौधरीले टिममा सन्दीपको आवश्यकता देखेर नेपालमा हुने आसन्न चारवटा एकदिवशीय अन्तर्राष्ट्रिय खेलका लागि टिममा समावेश गर्ने निर्णय भएको बताएका छन ।

‘सन्दीप हाम्रो योजनामा रहेको क्रिकेटर हो । उनलाई आज साँझदेखि क्याम्पमा सहभागी हुन भनेका छौं,’ चौधरीले भने, ‘सन्दीपको क्षमताको बारेमा त सायद कसैलाई शंका हुने छैन । फिटनेस र फिजियो चाहीँ हेर्नुपर्छ ।’

छनोट समितिले टिममा समावेश गर्ने निर्णयसँगै सन्दीपले बिहीबारै प्रमुख प्रशिक्षक मोन्टी देशाईसँग भेटेर कुराकानी गरेका छन् । र उनले केही खेलाडीसँगै कीर्तिपुरमा पुगेर अभ्यास गरेका छन् ।

बिहीबार राष्ट्रिय टिमको ‘रेष्ट डे’ भएकाले शुक्रबारमात्र उनको फिटनेस परीक्षण हुनेछ । ‘रेष्ट डे’ भए पनि केही खेलाडीले भने कीर्तिपुरमा प्रशिक्षण गरेका थिए, जसमा सन्दीप पनि थिए ।

‘फिटनेस ट्रेनर र फिजियोको रिपोर्ट सकारात्मक आएपछि उनले नियमित प्रशिक्षण सुरु गर्नेछन्,’ क्यानका क्रिकेट म्यानेजर विनोद दासले भनेका छन् ।

नाबालिग बलात्कार आरोप लागेपछि सन्दीपलाई असोज २० गते प्रहरीले पक्राउ गरेको थियो । त्यसको भोलिपल्टै क्यानले उनलाई राष्ट्रिय टिमबाट निलम्बन गरेको हो । काठमाडौं जिल्ला अदालतले पुर्पक्षका लागि थुनामा राख्न दिएको आदेशविरुद्ध बेरित निवेदन दिएका सन्दीप उच्च अदालतको आदेशपछि मंसिर २९ गते धरौटीमा रिहा भएका थिए ।

जघन्य फौजदारी अभियोग लागेको र अदालतमा मुद्दा विचाराधीन रहेको अवस्थामा पनि क्यानले उनको निलम्बन फुकुवामात्र गरेन राष्ट्रिय टिममै समावेश गरेको छ ।

नेपालले आईसीसी क्रिकेट विश्वकप लिग टू अन्तर्गत नामिविया र स्कटल्याण्डसँग त्रिकोणात्मक शृंखला खेल्दैछ । यो शृंखला फागुन २ गतेदेखि सुरु हुनेछ ।

 

पुरा हेर्नुहोस्

काठमाडौं । भारतको राजधानी नयाँ दिल्लीमा यहि मार्च १३ देखि २७ तारिखसम्म सन्चालन हुन गैरहेको आईबा वल्ड उमन्स् बक्सिङ च्याम्पियनसिप २०२३
(IBA World Women's Boxing Championship - 2023) मा नेपालबाट सहभागीता जनाउन यही माघ २४ गते देखि २६ गते सम्म राष्ट्रव्यापी खुल्ला छनाैट प्रतियोगिता आयाेजना गर्ने नेपाल बक्सिङ संघले निर्णय गरेकाे छ ।

सातदोबाटो स्थित नेपाल बक्सिङ्ग संघको केन्द्रीय कार्यालयमा आईतबार बसेकाे स्टेरिङ कमिटीकाे बैठकले उक्त निर्णय गर्दै संघको अफिसियल मिडिया बाट योग्यता पुगेको नेपाली महिला बक्सिङ  खेलाडीहरुको राष्ट्रव्यापी खुल्ला छनोट प्रतियोगिताद्धारा खेलाडी छनोट हुने हुँदा सम्पूर्ण योग्य महिला खेलाडीहरुको सहभागीताको लागि संघले आबहान  गरेकाे छ ।  

मिति : २०७९।१०/१५

प्रेश विज्ञप्ती

विषय : आइबा वर्ड ओमेन्स च्याम्पीयनसीप २०२३ राष्ट्रिय छनोट सम्बन्धमा ।

उपरोक्त सम्बन्धमा भारतको राजधानी नया दिल्लीमा हुने  यहि मार्च १३ देखि २७ तारिखसम्म संचालन हुन गैरहेको IBA World Women's Boxing Championship - 2023 मा सहभागीता जनाउने नेपाल बक्सिङ्ग संघको निर्णय अनुसार निम्नानुसार पुर्बप्रकाशित सूचना मिति २०७९/०९/२६ गते यस् संघको अफिसियल मिडिया बाट योग्यता पुगेको नेपाली महिला बक्सिङ  खेलाडीहरुको राष्ट्रव्यापी खुल्ला छनोट प्रतियोगिताद्धारा खेलाडी छनोट हुन गैरहेको हुँदा सम्पूर्ण योग्य महिला खेलाडीहरुको सहभागीताको लागि आमन्त्रण गरिएको छ ।  

तपशिल

१. महिला खेलाडीको उमेर : सन् १९८३ जनवरी १ तारिख देखि २००४ डिसेम्बर ३१ सम्म जन्मेका
२.छनोट प्रतियोगीता: माघ २४ देखि २६-२०७९ 
३. स्थान : बक्सिङ्ग हल अन्तराष्ट्रिय खेलकुद परिषद, सातदोबाटो , ललितपुर
४. समय :माघ २४ गते बिहान ७ – ९ बजे सम्म तौल तथा मेडिकल जाँचको लागि हलमा आइपुग्नु पर्नेछ ।
५. पोषाक : रिङ्ग पोसाक तथा अन्य सामाग्री आफै व्यवस्था गर्नुपर्ने ।
६. समावेश गरिएको तौल समुह
     महिला ४८ के.जी, ५० के.जी, ५२ के.जी, ५४ के.जी ५७ के.जी, ६० के.जी, ७५ के.जी.
​​   

(नोट :- उल्लेखित तौल मध्य उत्कृटताको आधारमा मात्र सहभागि गराईने छ । छनौट भएको सम्पूर्ण तौलहरुलाई प्रतियोगितामा सहभागी गराउनु पर्ने बाध्यता यस् संघलाई नरहेको जानकारी गराइन्छ ।)

७. यातायात तथा खाना सहभागी स्वयंले बेहोर्नु पर्ने ।
८. प्रतियोगीता : IBA को नियम अनुसार खेलाइने छ । महिला  समुहमा ३/३ मिनेटको ३ राउण्ड र बिचमा १ मिनेटको ब्रेक दिइने छ । सबै सहभागी खेलाडीहरु यस अघि नेपाल बक्सिङ्ग संघद्धारा आयोजित कुनै एक राष्ट्रव्यापी बक्सिङ्ग प्रतियोगीतामा  सहभागी भएको हुनु पर्नेछ ।
९. डकुमेन्ट : १) IBA रेकड{ बुक अनिवार्य ल्याउनु पर्नेछ ।
​​२) सकल पासपोर्ट कपी ल्याउनुपर्नेछ ।
​​
४) अन्य कुनै जिज्ञासा वा सुझाव भएमा ९८५५०६७६३०/९८५१२२५८६३ मा सम्पर्क गर्नु होला ।

सविन भट्टाचार्य
महासचिव
नेपाल बक्सिङ्ग संघ

पुरा हेर्नुहोस्

काठमाडौं । एसियन क्रस कन्ट्रीको १६ औं संस्करण नेपालमा आयोजना हुने पक्का भएको छ । थाईल्याण्डको बैंककमा भएको एसियन क्रस कन्ट्री च्याम्पियनसिप सम्बन्धि बैठकले १६ औं संस्करणको प्रतियोगिता पूर्व निर्धारित समयमा नेपालमा आयोजना गर्ने पक्का गरेको हो ।

बैठकमा सहभागी हुने नेपाल एथलेटिक्स संघका अध्यक्ष राजीव बिक्रम शाह र संघका मानार्थ सदस्य समेत रहेका बागमती प्रदेश खेलकुद विकास परिषद्का सदस्य सचिव सुर्यलाल भण्डारी थाईल्याण्डको बैंकक पुगेका थिए । बैंककमा नेपाली टिमले एसियन एथलेटिक्स एसोसियसनका अध्यक्ष डालन अल हामिद सहित प्राविधिक कमिटीसँग छलफल गरेको थियो । 

छलफलले १६ औं संस्करणको प्रतियोगिता पूर्व निर्धारित समय मार्च ९ अर्थात यही फागुन २५ गते काठमाडौंमा आयोजना गर्ने पक्का गरेको हो । एसियन एथलेटिक्स संघको नेतृत्व र प्राविधिक कमिटीसँगको छलफलपछि प्रतियोगिताको मिति टुङ्गो लागेको प्रदेश खेलकुद विकास परिषद् बागमतीका सदस्य सचिव सुर्यलाल भण्डारीले युवा सन्देशलाई बताए । 

‘नेपालमा एसियन क्रस कन्ट्री आयोजना गर्ने भनिएको थियो तर पक्का भएको थिएन । आयोजक देश नेपालले प्रतियोगिताको मिति स्विकृत नगर्दासम्म अन्यौलको अवस्था थियो । बैठकपछि प्रतियोगिता नेपालमा हुने पक्का भएको छ । सोही अनुसार एसियन एथलेटिक्स एसोसियसनले आफ्नो क्यालेन्डरमा समेत प्रतियोगिताको मितिलाई सार्वजनीक गरेको छ ।’ भण्डारीले भने ।

प्रतियोगितामा एसियाका ४५ देशका ४ सय बढी खेलाडी सहभागी हुने अपेक्षा गरिएको छ । नेपालले बिट गरेर ५ हजार डलरमा प्रतियोगिता आयोजनाको अधिकार लिएको थियो । तर अपेक्षित रुपमा प्रतियोगिताको तयारी अघि बढ्न सकेको थिएन । प्रतियोगिता आयोजनाका लागि स्रोतको सुनिश्चितता नहुँदा एसियन क्रस कन्ट्री आयोजना अन्यौलकै अवस्थामा थियो । 

प्रतियोगिता सञ्चालनका लागिग करिब तीन करोड रुपैयाँ खर्च हुने अनुमान गरिएको छ । आयोजककाे हिसाबले नेपालले एसियन एथलेटिक्स एसोसियसनबाट करिब २५ लाख रुपैयाँ पाउने निश्चित भएपनि अन्य स्रोतको जुट्न सकेको थिएन । एसियाली स्तरको ठुलो खेल स्पर्धामा बागमती प्रदेश सरकारले चासो देखाएपछि प्रतियोगिताको आयोजना सम्भव हुने देखिएको हो । काठमाडौंको गोकर्णमा हुने भनिएको यस प्रतियोगितालाई बागतमी प्रदेश सरकारले ३० लाख रुपैयाँ बजेट बिनियोजन गरेको छ । राष्ट्रिय खेलकुद परिषद् राखेपले समेत प्रतियोगिताका लागि १० लाख रुपैयाँ बजेट छुट्याएको छ । 

नेपालमा दोस्रो पटक एसियन क्रस कन्ट्री आयोजना हुन लागेको हो । सन् २००२ मा पहिलो पटक नेपालमा एसियन क्रस कन्ट्री च्याम्पियनसिपको आयोजना भएको थियो । 
 

पुरा हेर्नुहोस्

काठमाडौं । अखिल नेपाल फुटबल संघ (एन्फा) का अध्यक्ष पन्कज बिक्रम नेम्वाङ एसियन फुटबल कन्फडेरेसन (एएफसी) को कार्यसमिति सदस्यमा निर्वाचित हुनुभएका छन् । नेम्वाङ निर्पाचित भए संगै एसियाली फुटबलको सर्वोच्च निकाय एसियाली फुटबल महासंघ (एएएफसी) को कार्यसमितिमा झण्डै आठ वर्षपछि नेपालको प्रतिनिधित्व भएको छ ।
   
अखिल नेपाल फुटबल संघ (एन्फा) का अध्यक्ष पंकजविक्रम नेम्बाङ बुधबार बहराइनमा भएको ३३ औं एएफसी कंग्रेसबाट कार्यसमिति सदस्यमा निर्वाचित भएपछि नेपालको प्रतिनिधित्व निश्चित भएको हो ।

नेम्बाङ दक्षिण एसियाली क्षेत्रबाट चार वर्षका लागि एएफसीको कार्यसमितिमा निर्वाचित भएका हुन् । भुटानका युगेन सेचत दक्षिण एसियाली क्षेत्रबाट एएफसीको उपाध्यक्ष चुनिएका छन् ।

सोही क्षेत्रबाट माल्दिभ्सका बसम अदेल जालिल पनि सदस्यमा निर्वाचित भएका छन् । शेख सलमान विन अब्राहिम अल खलिफा पुनः एएफसीको अध्यक्षमा निर्वाचन भएका छन् । उनको यो तेस्रो कार्यकाल हो ।

यसअघि एन्फाका पूर्व अध्यक्ष गणेश थापा एएफसी कार्यसमिति सदस्य हुँदै उपाध्यक्ष निर्वाचित भएका थिए । सन् २०१५ को नोभेम्बार भ्रष्टचारको अभियोगमा थापा १० वर्षको प्रतिबन्धमा परेपछि एएफसीमा नेपालको प्रतिनिधित्व थिएन ।

नेम्बाङ यसै वर्ष एन्फा अध्यक्षमा निर्वाचित भएका थिए । निर्वतमान अध्यक्ष कर्मा छिरिङ शेर्पालाई पराजित गर्दै नेम्बाङ अध्यक्ष निर्वाचित भएका थिए ।

 

पुरा हेर्नुहोस्

काठमाडौं । साफ यू-२० महिला च्याम्पियनसिप खेल्न नेपाली टोली बुधबार बंगलादेशको ढाका प्रस्थान गरेको छ ।

दुई दिनपछि ढाकामा सुरु च्याम्पियनसिप फेब्रुअरी ९ सम्म आयोजना हुनेछ । मंगलबार अखिल नेपाल फुटबल संघ एन्फाले नेपाली टोलीलाई बिदाइ गरेको थियो ।

साफ यू–२० महिलाच्याम्पियनसिपमा नेपालसहित चार राष्ट्रको सहभागिता हुनेछ । नेपाल र आयोजक बंगलादेशसहित भारत र भुटानले उपाधिका लागि प्रतिस्पर्धा गर्नेछन् ।

राष्ट्रिय टिमकी सदस्य समेत रहेकी प्रीति राईको कप्तानीमा रहेको नेपाली टोलीको प्रशिक्षकमा यामबहादुर गुरुङ छन् ।

प्रशिक्षक र कप्तान दुवैले च्याम्पियनसिपमा नेपाल राम्रो प्रदर्शन गर्ने लक्ष्य राखेका छन् । नेपालले अहिलेसम्म यो उमेर समूहमा उपाधि जित्न सकेको छैन । त्यसैले पनि उपाधि जित्नु नेपालका लागि चुनौतीपूर्ण नै छ ।

प्रीतिसहित अमिशा कार्की र दिपा शाही राष्ट्रिय टिमकी सदस्य हुन् । मिडफिल्डर दिपा शाहीले सिनियर टिममै उत्कृष्ट प्रदर्शन गरिसकेकी छन् । यी तीन खेलाडीले जुनियर खेलाडीहरुसँग राम्रो तालमेल गर्नु आवश्यक छ ।

च्याम्पियनसिपपले नेपालले पहिलो खेल घरेलु टोली बंगलादेशबीचसँग फेब्रुअरी ३ मा खेल्नेछ । यस्तै नेपालले फेब्रुअरी ५ मा भुटानसँग र फेब्रुअरी ७ मा भारतसँग लिग खेल्नेछ ।

सिंगल राउण्ड रोविन लिगमा हुने च्याम्पियनसिपमा शीर्ष दुईमा रहने टिमले फेब्रुअरी ९ मा फाइनल खेल्ने छन् ।

सन् २०१८ मा साफ यू–१८ च्याम्पियनसिपको नामबाट सुरु भएको यस प्रतियोगिता २०२१ मा यू–१९ फर्म्याटमा भएको थियो भने २०२२ मा फेरी यू–१८ को नाममा भएको थियो ।

पहिलो पटक यो प्रतियोगिता यू–२० फर्म्याटमा आयोजना हुन लागिएको हो । पहिलो संस्करणमा उपविजेता बनेको नेपालले अहिलेसम्म उपाधि जित्न भने सकेको छैन ।

२०२१ मा बंगलादेशमै भएको यू१९ च्याम्पियनसिपमा नेपालले उपाधि जित्ने राम्रो अवसर रहे पनि चुकेको थियो ।

गत वर्ष भारतमा भएको भारतमा भएको यू-१८ च्याम्पियनसिपमा भने नेपाल भारत र बंगलादेश मात्र सहभागी थिए र डबल राउण्ड रोविनमा खेलेको सबै चार खेलमा नेपाल पराजित भएको थियो ।

त्यसबेला पनि नेपालको कप्तान प्रीति राई नै थिइन् । त्यसबेला खेलेका मध्ये प्रीतिसँगै गोलकिपर सावित्री किसन, लिला जोशी, मिडफिल्डर कुमुस खतिवडा, दिपा शाही, सुनकला राई, मनमाया दमाई, अन्जली मचामसी, साराह बज्राचार्य, सरस्वती हमाल, फरवार्ड अमिसा कार्मी र गरिमा राई, डिफेण्डर सविना चौधरी, दिव्या यसमलाई मगर, प्रतिक्षा चौधरी, कुमारी तामाङ अहिले पनि टिममा छन् ।

नेपाली टोली

गोलकिपर : कविता विक, सावित्री किसन, लिला जोशी

डिफेण्डर : सविना चौधरी, सजनी थोकर, सरु हमाल, सुनिता भोलान, दिव्या यसमलाई मगर, प्रतिक्षा चौधरी, कुमारी तामाङ

मिडफिल्डर : तुलसा बोहरा, कुसुम खतिवडा, साराह बज्राचार्य, सुनकला राई, मनमाया दमाई, प्रीति राई (कप्तान) अन्जली मचामसी, सरस्वती हमाल, दिपा शाही

फरवार्ड : गरिमा राई, अमिसा कार्की, ममता पुन, अन्जली चन्द

पुरा हेर्नुहोस्

काठमाडौं, १८ माघ । नेपाल क्रिकेट संघ (क्यान)ले राष्ट्रिय टिमका सदस्यहरुको वर्गीकरण गरेको छ । पोखरामा भएको कार्यसमितिको बैठकले जनवरीदेखि जुनका लागि १८ पुरुष र १२ महिला खेलाडीलाई करारमा राख्ने निर्णय गरेको हो ।

यसअनुसार ग्रेड एमा रोहितकुमार पौडेल, सोमपाल कामी, करण केसी, दीपेन्द्र सिंह ऐरी र आशिफ शेख छन् । ग्रेड बीमा आरिफ शेख, कुशल भुर्तेल र ज्ञानेन्द्र मल्ल छन् भने कमल सिंह ऐरी, विनोद भण्डारी, गुल्सनकुमार झा, अर्जुन साउद, अविनाश बोहरा, ललितनारायण राजवंशी, कुशल मल्ल, देव खनाल, सागर ढकाल र विवेक यादवलाई ग्रेड सीमा राखिएको छ ।

पुरा हेर्नुहोस्

काठमाडौं, १८ माघ । नेपाल क्रिकेट संघ (क्यान)का कार्यवाहक सचिव प्रशान्त विक्रम मल्लले राजीनामा दिएका छन् । उनको राजीनामा स्वीकृत हुन भने बाँकी रहेको क्यानका एक पदाधिकारीले जानकारी दिए

२०७८ असोजमा अशोकनाथ प्याकुरेलले सचिव पदबाट राजीनामा दिएपछि मल्ललाई कार्यवाहक सचिव बनाइएको थियो । मल्ल नेपाल टी–२० लिगमा गभर्निङ काउन्सिल अध्यक्षको भूमिकामा पनि थिए ।

नेपाल टी–२० लिगमा प्रक्रियासंगत निर्णय नलिँदा विवाद भएको तथा कार्यसम्पादन समितिको नाममा पदाधिकारीको मनोमानी बढेको भन्दै असन्तुष्ट केन्द्रीय सदस्यहरुले मंगलबार अध्यक्ष चतुरबहादुर चन्दसहित कार्य सम्पादन समितिका पाँच जनाको राजीनामा मागेका थिए । यहीकारण पोखरामा आयोजित क्यानको बैठक मंगलबार ढिला गरी सुरु भएको थियो । बैठकले पूर्व कप्तान सन्दीप लामिछानेको निलम्बन फुकुवा गर्ने निर्णय गरिसकेको छ ।

क्यान बोर्ड बैठकमा १६ एजेण्डाहरुबारे छलफल हुँदैछ । नेपाल टी–२० लिगको रणनीतिक तथा व्यावसायिक साझेदार भारतीय कम्पनी सेभेन थ्री स्पोर्टसले सम्झौता रद्ध गर्दै पठाएको पत्रका बारेमा पनि बैठकमा छलफल हुँदै छ । विवादमा परेको नेपाल टी–२० लिगको सम्झौता खारेज गर्न क्यानमाथि दबाव परे पनि भारतीय कम्पनीले नै सम्झौता रद्ध गरेको छ ।

पुरा हेर्नुहोस्

काठमाडौं । थाइल्याण्ड भएको एएसबीसी एसियन यू-२२ महिला तथा पुरुष बक्सिङ च्याम्पियनसिपमा महिला ४८ केजी तौल समूहमा ऐतिहासिक रजत पदक जितेकी नेपालकी सुष्मा तामाङ भारतमा हुने वर्ल्ड उमन्स् बक्सिङ च्याम्पियनसिपमा सिधै छनोट भएकी छन् ।

नेपाल बक्सिङ संघले मंगलबार विज्ञप्ती जारी गर्दै ऐतिहासिक मेडल जितेको अवार्ड स्वरुप उनलाई सिधै वर्ल्ड च्याम्पियनसिपमा छनोट गराउने जनाएको छ ।

संघले जारी गरेको विज्ञप्तिमा यही माघ २४ देखि २६ गतेसम्म विभिन्न तौल समूहमा छनोट प्रतियोगिता गराउने जनाएको थियो ।

‘नेपाल बक्सिङ संघको निर्णय अनुसार ४८ किलो तौल समूहमा एसियन यू-२२ मा रजत पदक जितेको हुनाले अवार्ड स्वरुप सुष्मा तामाङलाई छनौट गरी सिधै वल्र्ड च्यम्पियनसिप प्रतियोगितामा सहभागी गराउने निर्णय गर्दै थप ५४ किलो तौल समूहको पनि छनौट गर्ने निर्णय भएको जानकारी गराउदछौं’, बक्सिङ संघले विज्ञप्तिमार्फत जानकारी दिएको छ ।

सुष्माले थाइल्याण्डको बैंककमा भएको यू-२२ च्याम्पियन्सिमा उत्कृष्ट प्रदर्शन गर्दै ऐतिहासिक फाइनल यात्रा तय गरेकी थिइन् । तर फाइनलमा भने उनी उज्वेकिस्तानकी फोजिलोभा फार्जोनासँग पराजित भएकी थिइन् । त्यसअघि उनले भियतनाम र मंगोलियाका खेलाडीलाई पराजित गरेकी थिइन् ।

एसियन बक्सिङ कन्फिडरेसनको मान्यताप्राप्त प्रतियोगितामा नेपालले रजत जितेको यो पहिलोपल्ट हो ।

पुरा हेर्नुहोस्

ताजा समाचार


विभाग प्रमुखमा जनार्दन, केन्द्रीय कार्यालय प्रमुखमा वर्षमान

काठमाडौं । नेपाल कम्युनिष्ट पार्टी (माओवादी केन्द्र) को संगठन विभाग प्रमुखमा जनार्दन शर्मा 'प्रभाकर' र अर्थ तथा केन्द्रीय कार्यालय प्रमुखमा वर्षमान पुन 'अनन्त' ले  निरन्तरता पाएका छन् ।

वरियतामा भने पार्टी अध्यक्ष पुष्पकमल दाहाल ‘प्रचण्ड’ पछि वरिष्ठ उपाध्यक्ष‍मा नारायणकाजी श्रेष्ठ, उपाध्यक्षहरुमा कृष्णबहादुर महरा, अग्निप्रसाद सापकोटा, पम्फा भुसाल छन् । महासचिव देवप्रसाद गुरुङपछि उपमहासचिव गिरिराजमणि पोखरेल, वर्षमान पुन, हरिबोल गजुरेल, जनार्दन शर्मा, शक्तिबहादुर बस्नेत र मातृका प्रसाद यादव छन् ।

माओवादी केन्द्रले यही माघ १२ गतेदेखि २१ गतेसम्म बसेको स्थायी समितिको बैठकले पुरानै कार्यविभाजन कायम गरेको हो ।

४ कार्तिक २०७८ देखि अर्थ तथा योजना विभाग प्रमुखको जिम्मेवारी वर्षमान पुनले र संगठन विभाग प्रमुखको जिम्मेवा।री जनार्दन शर्माले सम्हाल्दै आएका छन् ।



पुरा हेर्नुहोस्

५० किलाे ताैल समुहमा एचटुओकी अस्मिता दुवाल छनाैट

काठमाडौं  । भारतको राजधानी नयाँ दिल्लीमा यहि मार्च १३ देखि २७ तारिखसम्म सन्चालन हुन गैरहेको ईबा वल्ड उमन्स् बक्सिङ च्याम्पियनसिप २०२३ मा सहभागी हुन आयाेजित छनाैट प्रतियोगितामा ५० किलाे ताैल समुहमा एचटुओकी अस्मिता दुवाल छनाैट  भएकी छिन् ।

आज सम्पन्न भएकाे फ्लाई लाईट वैट ५० किलो तौल समुहकाे फाइनल खेलमा एचटुओका अस्मिता दुवालले नेपाल प्रहरीका दिवाना शेर्मालाई ३:२ अंक (स्पिलट डिसिजन) को आधारमा पराजित गर्दै छनाैट भएकी हुन् । दुवाल र शेर्माले क्रमश: सेमिफाइनल खेलहरुमा आरडीएक्सका रमिशा श्रेष्ठलाई ४ः१ को स्पिलट डिसिजनमा र आर्मीका आरती बम्जनलाई ४ः१ अंक (स्पिलट डिसिजन) को आधारमा पराजित गर्दै फाईनल प्रवेश गरेका थिईन् ।

महिला ५२ केजी ताैल समुहको फाईन लखेलमा अन्जनी तेलीले टिएसीका वर्षा श्रेष्ठ लाई ५:० आधारकाे आधारमा र ५४ किलाे ताैल समुहमा मिनु गुरुङले एपीएफका शर्मिला तामाङलाई ५:० अंककाे आधारमा जित हासिल गर्दै छनाैट भएका छन् ।

महिला फेदर वैट ५७ किलो तौल समुहकाे फाईनल खेलमा आर्मीका चन्द्र कला थापाले झापाका सुस्मिता राईलाई ५:० अंककाे आधारमा पराजित गर्दै छनाैट भएकी छन् । भने ६० किलो तौल समुहकाे फाईनल खेलमा एपीएफका संगिता सुनारले आर्मीका निरु गुरुङ्गलाई ४ः१ अंककाे आधारमा पराजित गर्दै छनाैट भएकी छिन् । त्यसैगरी  मिडिल वैट ७५ किलाे तौल समुहकाे फाईनल खेलमा एपीएफका सरस्वती रानामगरले झापाका त्रिसा जवेगुलाई ५ः० अंकको आधारमा पराजित गर्दै छनाैट भएकि थिईन् ।

नेपाल बक्सिङ संघद्वारा आयाेजित राष्ट्रब्यापी खुल्ला छनाैट प्रतियोगितामा महिला ४८ किलाे ताैल समुहमा भर्खरै थाईल्याण्डकाे राजधानी बैंकक सहरमा एएसबिसी द्वारा आयाेजित   यू-२२ एशियन च्याम्पियनसिपमा रजत पदक विजेता सुस्मा तामाङ संघकाे निर्णय अनुसार यस अघि नै छनाैट भएकी छिन् । भने  ५० किलाे मा अस्मिता दुवाल, ५२ किलाेमा अन्जनी तेली, ५४ किलाेमा १३ औँ सागका संवरण पदक विजेता मिनु गुरुङ, ५७ किलाे ताैल समुहमा चन्द्रकला थापा, ६० किलाे ताैल समुहमा संगिता सुनार र ७५ किलाे ताैल समुहमा सरस्वती रानामगर गरि जम्मा ७ जना खेलाडीहरु छनाैट भएकाे संघका प्रवक्ता श्यामकाजि अवालेले जानकारी दिएका छन् । उनका अनुसार छनाैट भएका खेलाडीहरु मध्यबाट उत्कृष्ट खेलाडीहरुलाई मात्र भारतको राजधानी नयाँ दिल्लीमा यहि मार्च १३ देखि २७ तारिखसम्म सन्चालन हुन गैरहेको ईबा वल्ड उमन्स् बक्सिङ च्याम्पियनसिप २०२३ मा सहभागीता गराईने छ  ।

 



पुरा हेर्नुहोस्

नेपाल र मलेसियाबीचको श्रम समझदारी अक्टोबरमा पुनरावलोकन गरिने

काठमाडौं, २६ माघ । मलेसियासँग सन् २०१८ मा गरिएको श्रम समझदारी पत्र (एमओयू) पुनरावलोकन गरिने भएको छ । त्यसका लागि अक्टोबरमा मलेसियन प्रतिनिधि नेपाल आउनेछन् । सम्भवतः मलेसियाका श्रम मन्त्री नै नेपाल आउन सक्नेछन् । त्यसका लागि मलेसियास्थित नेपाली राजदूतावासले गृहकार्य गरिरहेको छ । यसअघि २ फेब्रुअरी २०२३ मा मलेसियाका गृहमन्त्री दतुक सेरी सैफुद्दिन नासुसन इस्माली नेपाल भ्रमणमा आएका थिए । भ्रमणको क्रममा श्रम समझदारी पत्र परिमार्जन गर्ने विषयमा श्रम मन्त्री र प्रधानमन्त्रीसँग समेत छलफल भएको थियो । छलफलको क्रममा दुवै देशका अधिकारीहरू श्रम समझदारी पत्रलाई श्रमिकमैत्री बनाएर अघि बढ्न सहमत भएका थिए ।

नेपाल र मलेसियाबीच कामदार आपूर्ति थालेको १७ वर्षपछि २०७५ कात्तिक ११ गते (२८ अक्टोबर २०१८) मा श्रम समझदारी पत्र (एमओयू) मा हस्ताक्षर भएको थियो । एमओयू भएको ५ वर्षपछि पुनरावलोकन गर्न लागिएको हो । उक्त एमओयू अनुसार मलेसियामा रोजगारीमा जाने कामदारमाथि हुँदै आएको आर्थिक शोषण पूर्ण रूपमा अन्त्य हुने अपेक्षा गरिएको थियो । त्यस्तै म्यानपावर कम्पनी, एजेन्ट र विभिन्न संस्थामार्फत मलेसिया जाने कामदार ठगिदैं आएका थिए ।

एमओयू भएपछि रोजगारीका लागि मलेसिया जाने कामदारको सम्पूर्ण खर्च रोजगारदाता कम्पनीले नै बेहोर्नुपर्ने समझदारी बनेको थियो । मलेसियामा ‘फ्री भिसा फ्री टिकट’ मै नेपाली युवालाई मलेसिया पठाउने भन्ने थियो । कामदार आपूर्ति गर्ने म्यानपावरले रोजगारदारदाताबाट आधा महिनाको तलब सेवा शुल्कको रूपमा लिन पाउने भन्ने थियो । तर, समझदारीभन्दा बाहिर गएर लाखौं रुपैयाँ तिरेर नेपालीहरू वैदेशिक रोजगारीमा जान बाध्य भइरहेका छन् । श्रम, रोजगार तथा सामाजिक सुरक्षा मन्त्रालयले विभिन्न देशसँग भएका श्रम सम्झौताहरू नवीकरण गर्दै लैजाने रणनीति लिएको छ । सोही आधारमा सरकार अघि बढिरहेको श्रम मन्त्रालयले जनाएको छ ।



पुरा हेर्नुहोस्


नेपाल र मलेसियाबीचको श्रम समझदारी अक्टोबरमा पुनरावलोकन गरिने

काठमाडौं, २६ माघ । मलेसियासँग सन् २०१८ मा गरिएको श्रम समझदारी पत्र (एमओयू) पुनरावलोकन गरिने भएको छ । त्यसका लागि अक्टोबरमा मलेसियन प्रतिनिधि नेपाल आउनेछन् । सम्भवतः मलेसियाका श्रम मन्त्री नै नेपाल आउन सक्नेछन् । त्यसका लागि मलेसियास्थित नेपाली राजदूतावासले गृहकार्य गरिरहेको छ । यसअघि २ फेब्रुअरी २०२३ मा मलेसियाका गृहमन्त्री दतुक सेरी सैफुद्दिन नासुसन इस्माली नेपाल भ्रमणमा आएका थिए । भ्रमणको क्रममा श्रम समझदारी पत्र परिमार्जन गर्ने विषयमा श्रम मन्त्री र प्रधानमन्त्रीसँग समेत छलफल भएको थियो । छलफलको क्रममा दुवै देशका अधिकारीहरू श्रम समझदारी पत्रलाई श्रमिकमैत्री बनाएर अघि बढ्न सहमत भएका थिए ।

नेपाल र मलेसियाबीच कामदार आपूर्ति थालेको १७ वर्षपछि २०७५ कात्तिक ११ गते (२८ अक्टोबर २०१८) मा श्रम समझदारी पत्र (एमओयू) मा हस्ताक्षर भएको थियो । एमओयू भएको ५ वर्षपछि पुनरावलोकन गर्न लागिएको हो । उक्त एमओयू अनुसार मलेसियामा रोजगारीमा जाने कामदारमाथि हुँदै आएको आर्थिक शोषण पूर्ण रूपमा अन्त्य हुने अपेक्षा गरिएको थियो । त्यस्तै म्यानपावर कम्पनी, एजेन्ट र विभिन्न संस्थामार्फत मलेसिया जाने कामदार ठगिदैं आएका थिए ।

एमओयू भएपछि रोजगारीका लागि मलेसिया जाने कामदारको सम्पूर्ण खर्च रोजगारदाता कम्पनीले नै बेहोर्नुपर्ने समझदारी बनेको थियो । मलेसियामा ‘फ्री भिसा फ्री टिकट’ मै नेपाली युवालाई मलेसिया पठाउने भन्ने थियो । कामदार आपूर्ति गर्ने म्यानपावरले रोजगारदारदाताबाट आधा महिनाको तलब सेवा शुल्कको रूपमा लिन पाउने भन्ने थियो । तर, समझदारीभन्दा बाहिर गएर लाखौं रुपैयाँ तिरेर नेपालीहरू वैदेशिक रोजगारीमा जान बाध्य भइरहेका छन् । श्रम, रोजगार तथा सामाजिक सुरक्षा मन्त्रालयले विभिन्न देशसँग भएका श्रम सम्झौताहरू नवीकरण गर्दै लैजाने रणनीति लिएको छ । सोही आधारमा सरकार अघि बढिरहेको श्रम मन्त्रालयले जनाएको छ ।

पुरा हेर्नुहोस्


टर्की र सिरियामा भूकम्पबाट मृत्यु हुनेको संख्या १५ हजार नाघ्यो

काठमाडौं, २६ माघ । टर्की र सिरियामा भूकम्पबाट मृत्यु हुनेको संख्या १५ हजार नाघेको छ । अन्तर्राष्ट्रिय समाचार एजेन्सीहरुका अनुसार गत सोमबारको भूकम्पमा परी करिब १३ हजार जनाको टर्कीमा र करिब दुई हजार जनाको सिरियामा मृत्यु भएको छ ।

लाखौं व्यक्तिहरु घरबारविहीन भएका छन् । उद्धार र राहत वितरणको काम जारी भए पनि ढिलासुस्ती भएको भन्दै टर्कीको विपक्षी पार्टीले सरकारको आलोचना गरेको छ । तर राष्ट्रपति रेचेप तैयप एर्दोआनले यो समय आलोचना नभइ एकताको भएको भन्दै सरकारले हरसम्भव प्रयास गरिरहेको बताएका छन् ।

उनले भूकम्पबाट बढी प्रभावित क्षेत्रहरुको स्थलगत भ्रमणसमेत गरेका छन् । उनले यो स्तरको विपदको सामना गर्न पूर्वतयारीले पनि नपुग्ने भनेर टिप्पणी गरेका छन् । उनले केही समय काम गराइमा समस्या आए पनि अहिले स्थिति नियन्त्रणमा रहेको दाबी गरेका छन् ।

भूकम्पले थुप्रै भौतिक संरचना ध्वस्त भएको र सडक सन्जालमा पनि क्षति पुगेकाले राहत तथा उद्धारमा कठिनाइ भइरहेको छ । यसबाट सिरिया अझै बढी प्रभावित भएको छ । सबैभन्दा बढी इदलिब प्रान्त प्रभावित भएको छ ।

टर्की र सिरियाबीचको सिमाना खुलाएर सिरियासम्म राहत पुर्याउन प्रयास भइरहेको टर्कीका विदेशमन्त्रीले बताएका छन् । युरोपेली संघले सिरिया सरकारको अनुरोधमा ३५ लाख युरो बराबरको राहत पठाउने घोषणा गरेको छ । सिरियाका राष्ट्रपति बसर अल असदलाई युरोपेली संघले नस्वीकारे पनि विपदको बेला सहयोग भने पठाइएको छ । आफूले गरेको सहयोग सरकार र विद्रोही नियन्त्रित सबै क्षेत्रहरुमा पुग्नुपर्ने युरोपेली संघले भनेको बीबीसीले जनाएको छ ।

नेपाल सरकारले पनि टर्कीमा चिकित्सकसहित राहत पठाउने गृहकार्य गरिरहेको छ ।

पुरा हेर्नुहोस्


कुनै एकदिन कुनै पुस्ताले सानुकान्छा श्रेष्ठको योगदानको इतिहास खोजी गर्नेछ ।

समाजसेवी क.सानुकान्छा श्रेष्ठ 

✍️ अनुराग अरुण 

२०५२ सालमा लुभुमा खानेपानीको साह्रै समस्या थियो । बिहान टोल टोलमा रहेको सार्वजनिक धारामा एक दुई घण्टा पानी आउँथ्यो । टोलभरिका महिलाहरु गाग्री लाइनमा लश्करै राखेर आफ्नो पालो अनुसार पानी थाप्थे । कुनैबेला पानीको लागि टोल टोलमा महिलाहरु आपसमै झगडा गरिरहेको दृश्य यदाकदा देखिन पाईन्थ्यो । कुनै टोलमा टोकन अनुसार पालैपाला पानी थाप्थे । कुनै बेला चार पाँच दिन धाराबाट पानी आउँथेन । तब मान्छेहरु साइकल, गाडी र मोटरसाइकलमा पानी राख्ने ग्यालेन लिएर लामाटार ढुगिंनसम्म पानी लिन जान्थे ।

त्यतिबेला लुभुबासीहरु नुहाउन र लुगा धुन इनारको पानी र गोदावरी खोलाको पानी प्रयोग गर्थे । चैत्र बैसाखको गर्मीमा इनारमा पानी पनि उतिसारो हुन्थिएन । नुहाउन र लुगा धुने झन समस्या थियो । एक एक थोपा पानीको अति नै अमुल्य महत्व थियो ।

तर आज अधिकांश लुभुबासीहरुको घर घरमा खानेपानीको धारा जडान भएको छ । बिहान बेलुका धारामा पानी आइरहन्छ । अब पहिले जस्तो नुहाउन, लुगाधुन र पिउन पानीको कुनै समस्था छैन । पहिले जस्तो टोल टोलमा खानेपानीको लागि झगडा गरिरहनुपर्ने अब अवस्था छैन । 

जब म पानी पिउँछु । पिउने पानीको गिलासमा क.सानुकान्छा श्रेष्ठको पसिनाले लतपतिएको अनुहार झल्झल देख्छु । यिनैको भगिरथ त्याग, तपश्या र अथक प्रयासले आज लुभुभरिमा खानेपानीको सर्व सुलभता भएको छ । अहिले लुभु खानेपानीको सञ्चालक समितिमा सबै पार्टीका मान्छेहरु सञ्चालक हुनुहुन्छ । उहाँहरु सबैलाई यो कुरा विदितै छ, लुभुमा खानेपानीको लागि सानुकान्छा श्रेष्ठले के कति गरे ? सधैं दिन रात आफै खटेका छन् । यति मात्र होइन, खानेपानीलाई आफ्नो करौडौं मुल्यपर्ने जग्गा समेत दिएका छन् ।

दु:ख लाग्छ, हामी कुनै अमुक दलका कार्यकर्ता वा मतदाता त भयौं । तर हामीमा राजनीतिको उच्च सभ्य संस्कार भएन । चेतना आएन । मलाई लाग्छ, आज नभए भोलि कुनै न कुनै एकदिन कुनै पुस्ताले क.सानुकान्छा श्रेष्ठको यो योगदानको इतिहास खोजी गर्नेछ, र त्यसको निष्पक्ष मुल्याकंन अवस्य गर्नेछ ।

पुरा हेर्नुहोस्