IBA Men’s World Boxing Championships 2025 मा ५४ के.जी. तौलसमूहका चन्द्र थापा मगरले कास्य पदक जित्दै नेपालको बक्सिङ इतिहासमा नयाँ कीर्तिमान स्थापित गरेका छन्।

इन्डोनेसिया, आर्मेनिया र इरानका बक्सरलाई पराजित गर्दै सेमीफाइनल पुगेका उनले इरानी प्रतिस्पर्धीलाई एकमत निर्णायक (Unanimous Decision) ले हराएका थिए। यससँगै उनले न्यूनतम ७५,००० अमेरिकी डलर पुरस्कार रकम पनि सुनिश्चित गरे।

सेमीफाइनलमा काजाकस्तानका बलिया प्रतिस्पर्धीसँग कडा भिडन्त गरे पनि यात्रा त्यहीँ समाप्त भयो। यद्यपि, यो पदक नेपालले विश्व बक्सिङ च्याम्पियनशिपमा प्राप्त गरेको पहिलो ऐतिहासिक सफलता हो, जसले नेपाललाई अन्तर्राष्ट्रिय बक्सिङ मञ्चमा मजबुत रूपमा चिनाएको छ।

विशेषज्ञहरूले राज्य, सरकार र सम्बन्धित खेल संस्थाले दीर्घकालीन योजना, लगानी र संरचना निर्माणमा ध्यान दिन सके नेपालले विश्वस्तरीय स्वर्ण पदक जित्ने सम्भावना अझ प्रस्ट भएको टिप्पणी गरेका छन्।