समाचार
सिमलताल नजिकै बालुवामा पुरिएको अवस्थामा बस फेला
- युवा सन्देश |
- पुस २७, २०८२
काठमाडौँ । चितवनको भरतपुर महानगरपालिका–२९ स्थित सिमलताल नजिकै बसको टुक्रा भेटिएको ठाउँमा खन्दा बस फेला परेको छ । सिमलताल नजिकै तनहुँ तर्फको बगरमा निलो रंगको टुक्रा भेटिएपछि सशस्त्र र नेपाल प्रहरीको टोलीले खनेर हेर्दा बस भेटिएको हो ।
बस उत्खनन कार्य भइरहेको छ । आँबुखैरेनी गाउँपालिका–५ स्थित त्रिशूली नदी किनारामा फेला परेको बसको अवशेष २०८१ असार २८ मा त्रिशूलीमा बेपत्ता दुई वटा डिलक्स बसमध्ये एउटा भएको आकलन गरिएको छ । बालुवामा गडेको बस निकालेर यकिन गरिने तनहुँका एसपी टेकबहादुर कार्कीले बताए ।
उनले भने, ‘बस निकालेपछि कहिले दुर्घटनामा परेको थियो भन्ने यकिन हुन्छ, अहिले हामी निकाल्ने काम गरिरहेका छौँ ।’
