मुख्य पृष्ठ हटलाइन समाचार शिक्षा / स्वास्थ्य राजनिती खेलकुद समाज अपराध अर्थ / व्यापार अन्तराष्ट्रिय भिडियो लेख तथा रचना

स्थानीय/प्रदेश/केन्द्र सरकार


असार ३१ गते, २०८१

काठमाडौं । मित्र राष्ट्र भुटानकाे राजधानी थिम्पुमा आयाेजना हुनेआठौं दक्षिण एशियाली कराते च्याम्पियनशिपमा सहभागी नेपाली कराते टाेलिलाई राखेप सदस्य सचिव टंकलाल घिसिङले बिदाई गर्नुभएकाे छ । 

राखेप स्थित उसु सेमिकभर्डहलमा आयाेजित एक औँपचारिक कार्यक्रममा आठौं दक्षिण एशियाली कराते प्रतियोगितामा सहभागी खेलाडी, प्रशिक्षण तथा टिम ब्यबस्थापकलाई बिदाई गरेकाे थियाे । बिदाई कार्यक्रममा राखेप सदस्य सचिव टंकलाल घिसिङ, नेपाल कराते महासंघका अध्यक्ष तथा पुर्व राखेप सदस्य सचिव युवराज लामा, नेपाल ओलम्पिक कमिटीका महासचिव निलेन्द्र राज श्रेष्ठ, महासंघका महासचिव दावा गुरुङलगाएत विशिष्ट ब्यक्तिहरुकाे उपस्थिति रहेकाे थियाे ।

राखेप सदस्य सचिव सचिक घिसिङले भुटानको थिम्पुमा २०८१ साउन २ गतेदेखि ४ गते (जुलाई १७–१९, २०२४) सम्म आयोजना हुने च्याम्पियनशिपमा सहभागी नेपाली कराते टिमलाई उच्च मनोबलका साथ उत्कृष्ट प्रदर्शन गरी देशको गौरव बढाउन सफलता मिलोस् भनि  शुभकामना व्यक्त गर्नुभएकाे थियाे । हाङ्जाओ एशियन गेम्समा रजत पदक बिजेता ऐरिका गुरूङ सहित सहभागी  खेेलाडी, प्रशिक्षक तथा टिम ब्यबस्थापकलाई जनही ट्रयाकसुट महासंघका  अध्यक्ष युवराज लामाले प्रदान गर्नुभए थियाे ।

पुरा हेर्नुहोस्

असार ३१ गते , २०८१ 
सिन्धुपाल्चोक । याङ्ग्री तथा इन्द्रावती नदीमा गत राति आएको बाढीले इन्द्रावती तेस्रो जलविद्युत् आयोजनालाई क्षति पुर्‍याएको छ ।

७.५ मेगावाट क्षमताको आयोजनाको पाँचपोखरीको तिपेनीमा रहेको ड्याम बालुवाले भरिएको, ‘सवस्टेसन’ र पावर हाउसमा क्षति पुर्‍याएको पाँचपोखरी थाङपाल गाउँपालिकाका अध्यक्ष टासी लामाले जानकारी दिए ।

जिल्लाको क्षेत्र नम्बर २ का अधिकांश भागमा विद्युत् सेवा अवरुद्ध भएको छ । साथै खाल्डेखोलादेखि तिपेनीसम्म सडकसमेत अवरुद्ध भएको छ । यस क्षेत्रमा जाने वैकल्पिक सडक नहुँदा अत्यावश्यक यातायातका साधनसमेत चल्न नपाउँदा बिरामीसमेत मारमा परेका उनले बताए ।

त्यस्तै चिन्डे जतन जोड्ने र झोलुङ्गे पुल र याङ्ग्री पुल पनि बाढीले बगाएको स्थानीय ग्याल्बो साम्देनले बताए । याङ्ग्री तथा इन्द्रावती नदी तटीय क्षेत्रको खेतीयोग्य जमिन बगाएको छ । चिनियाँपुल, माझीरुम्टी, तिपेनी, खस्रेबालुवा र खाल्डेखोलाजस्ता बस्ती बजार र अस्पताल पनि जोखिममा रहेको बताइएको छ ।

मेलम्ची, इन्द्रावती तथा पाँचपोखरी जोड्ने मेलम्चीमा गत वर्ष मात्रै बनेको ‘बेलिबृज’ पनि जोखिममा परेको छ । त्यस्तै मेलम्चीमा नवनिर्मित बसपार्क, खेलमैदान र निर्माणाधीन कभर्डहल समेत बाढीको जोखिममा बताइएको छ । यसैगरी अरनिको राजमार्गअन्तर्गत बाह्रबिसे नगरपालिका ३ र ५ जोडिने खाग्दल खोलामा रहेको ‘बेलिबृज’ बाढीले बगाएको छ ।

पुरा हेर्नुहोस्

काठमाडौं । राष्ट्रिय खेलकुद परिषद् (राखेप) ले २० औं एसियाली खेलकुद र विभिन्न अन्तर्राष्ट्रिय प्रतियोगिताका लागि मिसन २०२६ अन्तर्गत आ.व. २०८०/०८१ को राष्ट्रिय टिम तयारीको विशेष प्रशिक्षण सम्पन्न भएकाे छ । राखेपका सदस्य–सचिव टंकलाल घिसिङले आफ्नो पदभार ग्रहण गरेपछि खेलकुद बिमा र राष्ट्रिय टिम तयारीलाई विशेष प्राथमिकता दिएको बताउँदै दुबै मुख्य कार्य पूरा भएको बताएका छन् ।

उक्त अवसरमा, सदस्य घिसिङले आ.व. २०८१/०८२ को विशेष प्रशिक्षण पनि चाँडै सुरु हुने घोषणा गरेका छन् । नेपाली खेलकुदको इतिहासमा कुनैपनि एसियाली खेलकुद सम्पन्न भएको लगत्तै आगामी संस्करणका लागि यति लामो समयको तयारी सुरु गरिएको यो पहिलो पटक हो।

राखेपले २०८० साल माघ १५ देखि मिसन २०२६ अन्तर्गत पहिलो चरणमा कराते, तेक्वान्दो, उसु, जुडो, र बक्सिङलाई समावेश गरी विशेष प्रशिक्षण सुरु गरेको थियो । दोस्रो चरणमा, २०८१ साल जेठ ६ गतेदेखि महिला कबड्डी, महिला भलिबल, भारोत्तोलन, कुस्ती, र एथलेटिक्स थप्दै खेल संख्या १० पुर्‍याइएको थियो । जापानमा हुने २० औं एसियाली खेलकुदमा स्वर्णसहित दोहोरो अंकमा पदक जित्ने लक्ष्यसहित मिसन २०२६ को सुरुवात गरिएको हो ।

कार्यक्रममा राखेपका सदस्य पेमा डोल्मा लामा, प्रकाशकुमार कुसारी, विना श्रेष्ठ, अञ्जना श्रेष्ठ, विशेष प्रशिक्षणमा रहेका खेलका राष्ट्रिय संघका पदाधिकारी, खेलाडी, प्रशिक्षकको उपस्थिति रहेको थियो ।

पुरा हेर्नुहोस्

नेकपा (एमाले) का अध्यक्ष केपी शर्मा ओली प्रधानमन्त्रीमा नियुक्त भएका छन्।

राष्ट्रपति रामचन्द्र पौडेलले आइतबार अपराह्न अध्यक्ष ओलीलाई प्रधानमन्त्रीमा नियुक्त गरेको राष्ट्रपतिका प्रेस सल्लाहकार किरण पोखरेलले सेतोपाटीलाई जानकारी दिए।

नेपाली कांग्रेसको समर्थनमा ओली संविधानको धारा ७६ को उपधारा २ अनुसार प्रधानमन्त्रीमा नियुक्त भएका हुन्। ओली चौथो पटक प्रधानमन्त्री पदमा नियुक्त भएका हुन्।

नवनियुक्त प्रधानमन्त्री ओलीसहित मन्त्रीहरूको शपथ सोमबार बिहान ११ बजे शितल निवासमा हुनेछ।

गत असार १७ गते कांग्रेस र एमालेबीच राष्ट्रिय सहमतिको सरकार गठन गर्नेलगायत सहमति भएको थियो। त्यसपछि एमाले र जनता समाजवादी पार्टीले सरकारलाई दिएको समर्थन फिर्ता लिएका थिए।

अल्पमतमा परेका प्रधानमन्त्री पुष्पकमल दाहाल 'प्रचण्ड'ले गत शुक्रबार प्रतिनिधि सभामा राखेको विश्वासको मतसम्बन्धी प्रस्ताव अस्वीकृत भएपछि उनी पदमुक्त भएका थिए।

सोही दिन राष्ट्रपति पौडेलले संविधानको धारा ७६ को उपधारा २ अनुसार आइतबार अपराह्न ५ बजेभित्र नयाँ सरकार गठनको लागि दाबी पेस गर्न समय दिएका थिए। 

त्यसको केही घन्टाभित्रै कांग्रेसको समर्थनमा एमाले अध्यक्ष ओलीले प्रधानमन्त्रीमा दाबी पेस गरेका थिए। प्रतिनिधि सभामा कांग्रेसका ८८ र एमालेका ७८ जना सांसद छन्।

यसबीचमा राष्ट्रपति पौडेलले दाहाललाई नै कामचलाउ प्रधानमन्त्रीको जिम्मेवारी दिएका थिए।

बहुमतका लागि यी दुई दलका सांसदले मात्रै पर्याप्त हुन्छ। तर यो सरकारमा संसदमा रहेका साना दलहरूलाई पनि सहभागी गराउने तयारीमा कांग्रेस र एमाले छन्।

संविधानका कतिपय व्यवस्था पुनरावलोकन गर्ने समझदारी गरेका कांग्रेस र एमालेले सरकारलाई दुई तिहाइको समर्थन जुटाउने जमर्को गरेका छन्।

यसैबीच कांग्रेस र एमालेले ओली सरकारमा सहभागी हुने मन्त्रीहरू सोमबार बिहानसम्म टुंगो लगाउने भएका छन्।
प्रकाशित मिति: आइतबार, असार ३०, २०८१ 

पुरा हेर्नुहोस्

काठमाडौं । प्रजिश्मा श्रेष्ठ भुटानमा हुन गैरहेको आठौं साउथ ऐशियन कराँते प्रतियोगितामा सहभागी हुने भएकीछिन् । गाेदावरी स्थित एक रिसाेर्टमा आयाेजित विदाई कार्यक्रममा आईडब्लुएफएन (IWFN) कराँते डो संघका अध्यक्ष नवराज चौलागाई र महासचिव बुद्धराज नेगिले बिदाई गर्नुभएकाे थियाे ।

भुटानमा हुने आठौं साउथ एशियन कराते प्रतियोगितामा प्रजिश्मा श्रेष्ठले खेल खेल्नेछिन भने उनकाे प्रशिक्षकमा सुदन दराईले नेतृत्व गर्नेछन् । खेलाडी र प्रशिक्षक दुवै चितवन हिमालिपथ डो जो का खेलाडी तथा प्रशिक्षक हुन ।

खेलाडी बिदाई कार्यक्रममा बागमती प्रदेश संघका अध्यक्ष रमेश पहरी, ललितपुर जिल्ला संघका अध्यक्ष प्रबिन स्याङ्तान, प्रशिक्षक हरि पहरी लगाएत खेलाडी तथा प्रशिक्षकहरुकाे उपस्थिती रहेका थिए ।

पुरा हेर्नुहोस्

असार २७ गते बिहिवार, २०८१ 

काभ्रे बनेपा । जिल्ला खेलकुद समिति काभ्रेको अध्यक्ष पदमा बागमती प्रदेश सरकारले पुनः तेश्रो पटक मानविर लामालाई नियुक्ति गरेको छ । नियुक्ति गरिएका अध्यक्ष लामाले विहिबार एक कार्यक्रमका बीच पदभार ग्रहण गरेका छन् ।

सत्ता समिकरण बदलिएसँगै बागमती प्रदेश सरकार पनि फेरबदल हुने भए पछि नियुक्ति तथा मनोननय गरिरहेको छ । बागमती प्रदेश सरकार माओवादी नेतृत्वमा छ । मानविरलाई पहिलो पटक २०७६ जेठमा नियुक्ति गरिएको थियो । दुई दुई वर्षको कार्यकाललाई यो पटक चार वर्षको बनाईएको छ । 

तेश्रो पटक नियुक्ति भएका मानविरले आगामी योजना र विगतका गतिविधिका बारेमा जानकारी दिएका थिए । खेलकुद महोत्सव, राष्ट्रपति रनिङ्ग शिल्ड प्रतियोगिता, खेलकुद विकास समितिको भवन, खेलमैदान, प्रशिक्षकहरुको उत्पादन लगायतका कार्यहरु गरिरहेको अध्यक्ष मानविर लामाले बताए । खेल क्षेत्रमा अझै धेरै कार्य गर्न बाँकी रहेको अध्यक्ष मानविरले बताए । तेश्रो कार्यकालमा काभ्रेपलाञ्चोक जिल्लाको खेलकुद क्षेत्रलाई शशक्त बनाउने प्रतिवद्धता ब्यक्त गरे । अध्यक्ष नियुक्ति भए पनि बागमति प्रदेश सरकारले अन्य पदाधिकारी र सदस्यहरु नियुक्ति गरेको छैन ।

मानविर लामाकाे पहिलो र दाेस्राे कार्यकालमा रास्ट्रपति रनिङ शिल्ड केटा तर्फ प्रदेश छनाैटमा प्रथम, केटी तर्फ र्दोस्रो हुन सफल भएकाे थियाे । भने पहिलाे वर्ष सम्माननिय उपराष्ट्रपतिकाे  प्रमुख अतिथिमा बृहत् खेलकुद महोत्सव सम्पन्न गरेका थिए । उनले गत वर्ष खेलकुदको नाममा जाग्गा भोगाधिकार गर्ने सम्झौता सहित कुशादेविमा कभर्डहल निर्माणका लागि ३० लाख बजेट बिनियोजन  गरि निर्माण कार्य सम्पन्न गरेका थिए  । प्रदेश खेलकुद विकास परिषद् बागमती प्रदेशले आयाेजना गरेकाे बृहत् खेलकुद प्रतियोगितामा काभ्रे जिल्लालाई तृतीय बनाउन समेत अधलामा सफल भएका थिए । अन्तर  प्रदेश खेलकुद २०८० मा काभ्रे जिल्लाबाट सहभागी  ७ खेलाडीले  स्वर्ण जित्न समेत सफल भएकाेथियाे । उनकाे पालामा जिल्ला खेलकुदकाे आफ्नै कार्यालय भबन समेत निर्माण गरि कार्यालयलाई आफ्नै भबनमा ब्यबस्थित गरेका थिए । अध्यक्ष मानबिर लामाकाे कार्यकालमा सैयाैँ राष्ट्रिय तथा अन्तर्राष्ट्रिय खेलाडीहरु जन्माउन सफल भएका थिए ।

पदभार ग्रहण कार्यक्रममा जिल्ला खेलकुद विकास समितिका पुर्व अध्यक्ष एवं वडा अध्यक्ष सचितानन्द केसीको अध्यक्षता रहेको थियो । 

कार्यक्रममा कार्यालय प्रमुख बलराम शर्मा, आईटिएफका किशोर बरुण, फुलकन्ट्याक्ट कराँतेका गोविन्दलाल श्रेष्ठ, कराँते प्रशिक्षक ओमप्रकाश नकर्मी, तेक्वान्दो प्रशिक्षक फिरोज शाक्य, तेक्वान्दो प्रशिक्षक राकेश भोक्षिभोया, बक्सिङ्गका बरिष्ठ प्रशिक्षक किरण बहादुर कार्की, उसु प्रशिक्षक नमोराज लामा, विजय सुन्दर सैँजु, तेक्वान्दो प्रशिक्षक रामचन्द्र कर्माचार्य, भिमबहादुर कर्माचार्य, कराँते महासंघका श्याम कुँवर, गौतम मानन्धर, कविरकुमार रञ्जितकार लगायतले शुभकामना दिएका थिए ।

पुरा हेर्नुहोस्

असार २७ बिहिवार २०८१

काठमाडौं । प्रधानमन्त्री प्रचण्डले सरकारको नेतृत्व गर्दै गर्दा नेपाल श्रीलंका हुँदैछ भन्दै एकथरी अर्थविद्हरुले हल्ला चलाएका थिए । हुन पनि विदेशी विनिमय सञ्चिति सबैभन्दा कम रहेको थियो । केही संचारमाध्यम र विश्लेषकहरुले प्रचण्ड नेतृत्वको सरकारले अर्थतन्त्र समाल्न नसक्ने, आयत रोकिएर नागरिक श्रीलंकामजस्तै गरी सडकमा आउने, सिंहदरबार र बालुवाटारबाट शासकहरुलाई गलत्याउने विश्लेषण गरेका थिए । उनीहरुको उक्त मनगढन्ते विश्लेषण एकपछि अर्को झुट सावित हुँदै गयो ।

प्रधानमन्त्री प्रचण्डले अर्थतन्त्र सुधारको लागि आफैले नेपाल राष्ट्र बैंक, निजि क्षेत्र, व्यावसायी, उद्योगी, निर्माण क्षेत्रका सम्बन्द्ध सरोकारवाला निकायसँग पटकपटक छलफल गरे । प्रधानमन्त्री सरकारी खर्च कटौतीदेखि ओभर स्टाफिङ कम गर्नेलगायतका सबै उपाय लगाएर ओरालो लागेको अर्थतन्त्रलाई उकालोतिर फर्काएका थिए ।

श्रीलंका बन्दबाट जोगिएर उभो लागेको नेपालको अर्थतन्त्र प्रधानमन्त्री प्रचण्डले सरकारको नेतृत्वबाट बिदा हुँदैगर्दा सबै सूचक उल्लेख्यरुपमा सबैले देख्ने गरी सुधार भएका छन् । विदेशी विनिमय पनि झण्डै २० खर्ब पुगेको छ । त्यस्तै व्यापार घाटा पनि थोरै भएपनि घटेको छ ।

नेपाल राष्ट्र बैंकले बुधबार सार्वजनिक गरेको देशको पछिल्लो आर्थिक स्थितिको तथ्यांकअनुसार आर्थिक सूचकहरू सकारात्मक दिशातिर लम्किँनुको साथै महंगी पनि घटेको छ । केन्द्रीय बैंकका अनुसार जेठसम्म मूल्यवृद्धि ४.१७ प्रतिशत रहेको छ । विप्रेषण आप्रवाह १९.३ प्रतिशत बढेको छ । शोधनान्तर स्थिति ४ खर्ब २५ अर्ब ६७ करोडले बचतमा छ ।

कुल विदेशी विनिमय सञ्चिति १९ खर्ब ६७ अर्ब १९ करोड र अमेरिकी डलरमा १४ अर्ब ७२ करोड छ । सरकारको खर्च ११ खर्ब ८१ अर्ब ३० करोड र राजस्व परिचालन ९ खर्ब १९ अर्ब १९ करोड छ ।

चालू आर्थिक वर्षको जेठसम्म मूल्यवृद्धि ४.१७ प्रतिशत कायम छ । गत वर्षको वार्षिक बिन्दुगत उपभोक्ता मुद्रास्फीति ६.८३ प्रतिशत थियो । समीक्षा अवधिमा खाद्य तथा पेय पदार्थ समूहको मुद्रास्फीति ५.७६ प्रतिशत र गैर–खाद्य तथा सेवा समूहको मुद्रास्फीति २.९४ प्रतिशत रहेको छ । यस्तै खाद्य तथा पेय पदार्थ समूहअन्तर्गत तरकारी उप–समूहको वार्षिक बिन्दुगत मूल्य सूचकांक १६.०२ प्रतिशत, दाल तथा गेडागुडीको ११.७६ प्रतिशत, खाद्य तथा खाद्यजन्य पदार्थको ७.३२ प्रतिशत, चिनी तथा चिनीजन्य वस्तुको ६.९८ प्रतिशत र गैर–मदिराजन्य पेय पदार्थको ५.९५ प्रतिशतले बढेको छ भने घ्यू तथा तेल उप–समूहको वार्षिक बिन्दुगत मूल्य सूचकांक ५.५१ प्रतिशतले घटेको छ ।

गैर–खाद्य तथा सेवा समूहअन्तर्गत विविध वस्तु तथा सेवाहरू उप–समूहको वार्षिक बिन्दुगत मूल्य सूचकांक १२.४७ प्रतिशत, शिक्षाको ५.६४ प्रतिशत र कपडाजन्य तथा जुत्ता चप्पलको ३.४६ प्रतिशतले बढेको छ भने सञ्चार उप–समूहको वार्षिक बिन्दुगत मूल्य सूचकांक ०.४८ प्रतिशत र यातायातको ०.१८ प्रतिशतले घटेको छ ।

काठमाडौं उपत्यकाको वार्षिक बिन्दुगत उपभोक्ता मुद्रास्फीति ४.२५ प्रतिशत, तराईको ३.८२ प्रतिशत, पहाडको ४.६३ प्रतिशत र हिमालको ४.७७ प्रतिशत रहेको छ । अघिल्लो वर्षको सोही महिनामा उक्त क्षेत्रहरूको यस्तो मुद्रास्फीति क्रमशः ७.१९ प्रतिशत, ६.९३ प्रतिशत, ६.२८ प्रतिशत र ६.३९ प्रतिशत रहेको थियो ।

त्यसैगरी राष्ट्र बैंकले सार्वजनिक तथ्याङ्कअनुसार चालु खाता र शोधनान्तर स्थितिमा बलियो बन्दै गएको छ । जेठसम्म २ खर्ब ३९ करोडले चालु खाता बचतमा रहेको राष्ट्र बैंकले जनाएको छ । अघिल्लो वर्षको सोही अवधिमा चालु खाता ७९ अर्ब ५३ करोड रुपैयाँले घाटामा रहेको थियो । अमेरिकी डलरमा अघिल्लो वर्षको सोही अवधिमा ६१ करोड ३२ लाखले घाटामा रहेको चालु खाता समीक्षा अवधिमा १ अर्ब ५१ करोडले बचतमा रहेको छ ।

११ महिनाको अवधिमा पुँजीगत ट्रान्सफर २५.७ प्रतिशतले कमी आई ५ अर्ब ४६ करोड रुपैयाँ कायम भएको छ भने खुद प्रत्यक्ष वैदेशिक लगानी ८ अर्ब १६ करोड रुपैयाँले धनात्मक रहेको छ । अघिल्लो वर्षको सोही अवधिमा पुँजीगत ट्रान्सफर ७ अर्ब ३५ करोड रुपैयाँ कायम भएको थियो । त्यस्तै, खुद प्रत्यक्ष वैदेशिक लगानी ४ अर्ब ६५ करोड रुपैयाँले धनात्मक रहेको थियो ।

समीक्षा अवधिमा शोधनान्तर स्थिति ४ खर्ब २५ अर्ब ६७ करोड रुपैयाँले बचतमा रहेको छ । अघिल्लो वर्षको सोही अवधिमा शोधनान्तर स्थिति २ खर्ब २४ अर्ब ९० करोड रुपैयाँले बचतमा रहेको थियो । अमेरिकी डलरमा अघिल्लो वर्षको सोही अवधिमा १ अर्ब ७१ करोडले बचतमा रहेको शोधनान्तर स्थिति समीक्षा अवधिमा ३ अर्ब २० करोडले बचतमा रहेको छ ।

राष्ट्र बैंका अनुसार विदेशी विनिमय सञ्चिति अमेरिकी डलरमा १४ अर्ब ७२ करोड पुगेको छ । यो नेपाली रुपैयाँ १९ खर्ब ६७ अर्ब १९ करोड हुन आउँछ । यसअघि वि.सं २०८० असारसम्म १५ खर्ब ३९ अर्ब ३६ करोड रुपैयाँ बराबर रहेको थियो । यो अवधिमा २७.८ प्रतिशतले विदेशी विनिमय सञ्चिति बढेको राष्ट्र बैंकले जनाएको छ ।

नेपाल राष्ट्र बैंक बाहेकसँग रहेको विदेशी विनिमय सञ्चिति २०८० असार मसान्तमा १ खर्ब ९३ अर्ब ५९ करोड रुपैयाँ रहेको थियो भने २०८१ जेठ मसान्तमा १०.८ प्रतिशतले वृद्घि भई २ खर्ब १४ अर्ब ४२ करोड रुपैयाँ जम्मा भएको छ । यो अवधिमा विदेशी विनिमय सञ्चितिमा भारतीय मुद्राको अंश २२.३ प्रतिशत रहेको छ ।

प्रचण्डले सरकारको नेतृत्व गरेपछि हुण्डी कारोबारलाई निरत्साहित गर्ने र वैधानिक बाटोबाट रेमिट्यान्स पठाउन सहज वातावरण बनाइएको थियो । त्यसैको परिणम हो एकपछि अर्को रेमिट्यान्समा नयाँनयाँ रेकर्ड बन्दै गएका छन् ।
राष्ट्र बैंका अनुसार पछिल्लो ११ महिनाको अवधिमा १३ खर्ब २७ अर्ब ५१ करोड रुपैयाँ रेमिट्यान्स भित्रिएको छ । समीक्षा अवधिमा विप्रेषण आप्रवाह १९.३ प्रतिशत बढेको देखिएको छ ।

त्यसैगरी कुल वस्तु व्यापार घाटा पनि घटेको राष्ट्र बैंकले जनाएको छ । आर्थिक वर्ष २०८०÷८१ को ११ महिनामा कुल वस्तु व्यापार घाटा १.७ प्रतिशतले कमी आई १३ खर्ब १४ अर्ब ४४ करोड रुपैयाँ कायम भएको राष्ट्र बैंकले जनाएको छ ।

पुरा हेर्नुहोस्

असार २७ बिहिवार, २०८१

ठमाडौं । अन्तर्राष्ट्रिय विद्यालय खेलकुद संघ नेपालका कार्यकारी सदस्य एवं नेपाल विद्यालय खेलकुद महासंघका महासचिव राजकुमार कार्की पेरिस ओलम्पिक टर्च रिलेमा सहभागी भएका छन् । 

कार्कीले फ्रान्सको पेरिसमा भएको टर्च रिलेमा सहभागी हुन पाउनुलाई ऐतिहासिक क्षण भएको बताउदै गर्वको अनुभूति गरेको बताए ।

पुरा हेर्नुहोस्

२०८१ असार २६ बुधबार

काठमाडौं । राष्ट्रिय खेलकुद परिषद् (राखेप) का सदस्य–सचिव टंकलाल घिसिङले विभिन्न खेलका खेलाडीलाई परिचय पत्र प्रदान गर्नु भएको छ । बृहत राष्ट्रिय खेलकुद तथा अन्तर्राष्ट्रिय प्रतियोगिताका पदक विजेतासहित उक्त प्रतियोगितामा सहभागी खेलाडीलाई विभिन्न सुविधासहितको प्लाटिनम, गोल्ड र सिल्भर परिचय पत्र प्रदान गरिएको हो ।

प्लाटिनम परिचय पत्रधारीले राखेपको भौतिक संरचनामा हुने खेल गतिविधिलगायत पौडी पोखरीमा निशुःल्क प्रवेश पाउनुका साथै राखेपअन्तर्गत खेलकुद चिकित्सा तथा अनुसन्धान केन्द्रमा ल्याब तथा अन्य परिक्षणका लागि निःशुल्क सेवा पाउनु हुनेछ । गोल्ड परिचय पत्र पाउनेले प्लाटिनम परिचय पत्रकधारीले पाउने दुवै सेवामा ८० प्रतिशत छुट पाउनु हुनेछ । सिल्भर परिचय पत्रवाहकले राखेपको भौतिक संरचनामा हुने खेल गतिविधिलगायत पौडी पोखरीमा ५० प्रतिशत छुट पाउनु हुनेछ ।

कार्यक्रममा सदस्य–सचिव टंकलाल घिसिङले परिचय पत्र वाहक खेलाडीलाई युवा तथा खेलकुद मन्त्रालयमार्फत नेपाल सरकारलाई सामाजिक सुरक्षाको प्रत्याभूति हुने गरी स्वास्थ्य, शिक्षा र यातायातमा सहुलियतका लागि राखेपले पहल गर्ने बताएकाछन्  ।

पुरा हेर्नुहोस्

सिंहदरबार,२६ असार २०८१

काठमाडौं ।  नेपाल कम्युनिष्ट पार्टी (माओवादी-केन्द्र) काे संसदीय दलको बैठक सम्पन्न भएकाे छ ।

पार्टी अध्यक्ष तथा माओवादी केन्द्रका दल नेता सम्माननिय प्रधानमन्त्री पुष्पकमल दाहाल 'प्रचण्ड'काे अध्यक्षता संसदीय दलको बैठक सम्पन्न भएकाे छ ।

सिंहदरबारमा सम्पन्न संसदीय दलकाे १२ औं पूर्ण बैठकले समसामयिक राजनीतिक परस्थितिको समिक्षा गर्दै, संबिधान र परिवर्तनका पक्षधरहरुलाई आगामी असार २८ गते विश्वासको मत दिन अपिल गर्ने निर्णय गरेकाे छ ।

पुरा हेर्नुहोस्

२०८१ असार १६,  आईतबार 
सुर्खेत । हेल नाइट (एचके) मडरर्सले प्रथम राष्ट्रिय ई स्पोर्ट्स च्याम्पियनसिप २०८१ को उपाधि शनिवार जितेको छ । कर्णाली प्रदेशको सुर्खेत विरेन्द्रनगरमा शुक्रबा र शनिवार भएको फाइनल चरणको लियो स्पोर्ट्सलाई पछि पार्दै एचके मडर्सस च्याम्पियन बनेको हो ।

दुवै टोलीले समान अंक जोडेपनि धेरे चिकेन डिनर खाएको आधारमा एचके मडरर्स च्याम्पियन बनेको आयोजक ई स्पोर्ट्स एसोसिएनका सचिव आशिष दाहालले जानकारी दिए ।

च्याम्पियन बनेको एचके मडरर्सले २ लाख २५ हजार प्राप्त गर्‍यो । दोस्रो भएको लियो स्पोर्ट्सले १ लाख ८० हजार पायो । यस्तै तेस्रो भएको फ्याभ फोरले १ लाख ८ हजार प्राप्त गर्‍यो ।

पब्जी मोबाइलमा अन्तिम चरणमा प्रतिस्पर्धा गरेका १६ वटै टिमले नगद पुरस्कार प्राप्त गरेका थिए ।

लियो स्पोर्ट्सका लिओ एक्स हैतदामी मोस्ट भ्यालुएबल प्लेअर (एमभिपी) घोषित भए । उनले एक थान टेक्नो पोभा-६ मोबाइल प्राप्त गरे ।

च्याम्पियनसिपमा तीन इभेन्ट समावेश गरिएको थियो । जसमा इफुटबलको उपाधि गौरव पुडासैनीले जिते । यस्तै मोबाइल लेजेण्ड्स (एमएलबीबी) को मोबाइल पब्जी बाहेक बाँकी दुई इभेन्ट अनलाइनमा आयोजना भएको थियो ।

ई स्पोर्ट्स संघ नेपालको आधिकारिक गठन भएपछि पहिलो प्रतियोगिता कर्णाली प्रदेशमा आयोजना गरिएको हो ।

पहिलो पटक आयोजना भइरहेको ई राष्ट्रिय स्पोर्टस् च्याम्पियनसिपको छनोटमा पब्जीमा १३६ टिम, मोबाइल लेजण्ड्समा ४० टिम र ई फुटबलमा १९३ खेलाडीले प्रतिस्पर्धा गरेका थिए ।

छनोट चरणको खेलपछि मोबाइल पब्जीको १६ टोलीले प्रतिस्वर्धा गरेका थिए ।

विजेतालाई कर्णाली प्रदेश खेलकुद विकास परिषदका सदस्य सचिव विश्वामित्र सन्ज्याल, ईशानका अध्यक्ष अन्जन धमला, वरिष्ठ उपाध्यक्ष हिमबिक्रम केशी, सचिव बालकुमार केसी लगायतले पुरस्कृत गरेका थिए ।

 

पुरा हेर्नुहोस्

२०८१ असार १५, शनिबार

काठमाडौं । विद्यालय स्तरीय  अन्तर प्रदेशका स्वर्णधारी तिसारानि शाक्य खेल सामाग्री द्वारा सम्मानित भएकी छिन ।

ईनास नेपालका प्रबन्धक तथा बागमति प्रदेश ब्याडमिन्टन संघका उपाध्यक्ष राजु बास्ताेलाले तिसारानि शाक्यलाई ब्याडमिन्टन खेल सामाग्रीद्वारा सम्मान गर्नुभएकाे छ । खेल सामाग्री प्रदेश खेलकुद विकास परिषद, बागमती प्रदेशका बाेर्ड सदस्य धनकुमार मैनाली (अभिलाष) ले काठमाडौं स्थित दियालाे फुडल्याण्डमा आयाेजित बागमती प्रदेश ब्याडमिन्टन संघकाे बैठकमा शाक्यलाई हस्तान्तरण गर्नुभएकाे थियाे ।

पाेखरामा सम्पन्न विद्यालय स्तरीय प्रथम अन्तर प्रदेश राष्ट्रिय खेलकुद प्रतियोगितामा बागमती प्रदेशबाट सहभागी शाक्य ब्याडमिन्टन बिधामा स्वर्ण जित्न सफल भएकी थिईन ।

४ वर्ष देखि निरन्तर अभ्यासमा रहेकी १३ वर्षकी तिसारानिले उमेन्स डबलमा गण्डकी प्रदेशलाई २१ -१६ , २१- १६ अंकमा हराउदै स्वर्ण जितेकाे थिईन भने 
मिक्स डबलमा कास्य पदक जितेकी थिईन ।

पुरा हेर्नुहोस्

२०८१ असार १५, शनिबार 
सुर्खेत । ई–स्पोर्टस् संघ नेपाल (ईशान) को आयोजनामा पहिलो राष्ट्रिय ई–स्पोर्टस् च्याम्पियनसिपको फाइनल राउण्ड शुक्रबारदेखि सुर्खेतमा सुरु भएको छ ।

ईशानको गठन भएपछि संघको पहिलो कार्यक्रमको रुपमा राष्ट्रिय ई–स्पोर्ट्सको सुरुवात कर्णाली प्रदेशको सुर्खेत विरेन्द्रनगरबाट गरिएको छ ।

जसमा पब्जी मोबाइल, ई–फुटबल र मोबाइल लेजेन्ड गरी तीन इभेन्टमा समावेश गरिएको छ । मुख्य इभेन्टको रुपमा रहेको पब्जी मोबाइलमा छनोट चरण पार गरेर आएका १५ टोली र कर्णाली प्रदेशको टोलीसमेत गरी १६ टोलीको प्रतिस्पर्धा हुनेछ ।

कर्णाली प्रदेशका पूर्वमुख्य मन्त्री राजकुमार शर्माले शुक्रबार ई–स्पोर्टसको उद्घाटन गर्दै नौलो खेलको सुरुवात कर्णाली प्रदेशबाटै गरेकोमा संघलाई धन्यवाद दिँदै सफलताको शुभकामना दिए ।

पछिल्लो समय विश्वमै ई–स्पोर्टस् चर्चामा छ र नेपालमा पनि यस खेलमा लाग्ने खेलाडीहरूको संख्या बढ्दो छ । गत वर्ष चीनको हान्झाउमा भएको १९औं एसियाडमा पनि नेपालले ई–स्पोर्टसमा डेब्यु गर्दै उत्कृष्ट प्रदर्शन गरेको थियो ।

आगामी मंसिरमा कर्णाली प्रदेशमा १०औं वृहत राष्ट्रिय खेलकुद आयोजना हँदैछ र त्यसैलाई ध्यान दिंदै ई–स्पोर्टस् संघले पनि आफ्नो पहिलो कार्यक्रम कर्णालीबाटै सुरुवात गरेको छ ।

राष्ट्रिय खेलकुदमा पनि ई स्पोर्टसलाई समावेश गर्ने तयारी संघको छ । संघका अध्यक्ष अन्जन धमलाले संघ आधिकारिक रुपमा दर्ता भएपछि देशभरका प्रतिभावना खेलाडीलाई बाहिर ल्याउन यो च्याम्पियनसिप आयोजना गरिएको बताए ।

‘दशौँ राष्ट्रिय खेलकुद पनि कर्णाली प्रदेशमै हुँदैछ । यसमा नयाँ खेल पनि थपिने छ । त्यसमा ई स्पोर्टस् पनि छनोट गर्नुभयो भने अझ राम्रो हुन्छ । हामी कर्णालीबाटै ई स्पोर्टको आधार तयार गर्दैछौं,’ उनले भने ।

संघले पहिलो कार्यक्रमको रुपमा ई स्पोर्ट्स च्याम्पियनसिप आयोजना गर्दा तीन इभेन्ट मात्र समावेश गरेको छ । आगामी दिनमा इभेन्टको संख्या समेत बढाउदै जाने संघको योजना छ ।

धमलाले ई स्पोर्टस् खेल मात्र नभएर एउटा उद्योगकै रुपमा विकास गर्न सकिने बताए । उनले भने, ‘ई स्पोर्टसलाई खेल मात्र नभएर एउटा इन्डस्ट्रिकै रुपमा किन परिणत नगर्ने ? हामीले पनि खेलाडीका लागि राम्रो अवसर सिर्जना गर्नुपर्छ । जसले गर्दा राम्रो प्रदर्शन गर्न पनि सहयोग पुग्छ ।’

पहिलो पटक आयोजना भइरहेको ई राष्ट्रिय स्पोर्टस् च्याम्पियनसिपको छनोटमा पब्जीमा १३६ टिम, मोबाइल लेजण्ड्समा ४० टिम र ई फुटबलमा १९३ खेलाडीले प्रतिस्पर्धा गरेका थिए संघले जनाएको छ ।

कुल पुरस्कार राशि १२ लाख रहेको प्रतियोगितामा पब्जी मोबाइलमा ९ लाख, मोबाइल लेजेण्ड्समा २ लाख र ई फुटबलमा १ लाख रुपैयाँ प्रदान गरिने छ । प्रतियोगितालाई राष्ट्रिय खेलकुद परिषद् र कर्णाली प्रदेश ई स्पोर्टस् संघले सहयोग गरेका छन् ।

कर्णाली प्रदेश खेलकुद विकास परिषद्का सदस्य सचिव विश्वामित्र सन्ज्यालले आधुनिक प्रविधिको खेल प्रतियोगिता कर्णालीमा हुनु सिंगो प्रदेशका लागि खुसीको विषय भएको र कर्णाली प्रदेशमा रहेका ई स्पोर्टसका खेलाडीको आकर्षणलाई हेरेर प्रदेशले आयोजनामा सहयोग गरेको बताए ।

पुरा हेर्नुहोस्

२०८१ असार ११ गते, मंगलबार

काठमाडौं । नेपाली तेक्वान्दो खेलाडी रूपसिंह तामाङले दोस्रो आईटीएफ अन्तर्राष्ट्रिय च्याम्पियनसिपमा स्वर्ण पदक जित्नु भएको छ । 

न्युजिल्याण्डमा जारी खेलमा रामेछापका तामाङले भेट्रान्स स्पेसल टेक्निकमा स्वर्ण पदक जित्नु भएको हो । खेल सकिए लगत्तै सनराइज खबरसँग कुरा गर्दै तामाङले खेल राम्रो भएको बताउनुभयो ।  

न्युजिल्यान्डको हास्टिङ स्पोर्ट सेन्टरमा जुन ४ देखि भएको प्रतियोगितामा रूपसिंहले भेट्रानतर्फ स्पेसल टेक्निक र प्याट्रनमा प्रतिस्पर्धा गर्नुभएको थियो । उहाँले प्याट्रन पाँचौँ डानमा रजत पदक जित्नु भएको छ । 

प्रतियोगितामा ५० भन्दा बढी देशका खेलाडी सहभागी छन् । रामेछापको खाँडादेवी गाउँपालिकाका तामाङ आईटीएफ तेक्वान्दो पाँचौँ डान हुनुहुन्छ । 

पुरा हेर्नुहोस्

२०८१ असार ८ गते, शनिबार 

काठमाडौं । नेपाली क्रिकेट टिमका पूर्वकप्तान सन्दीप लामिछाने, कप्तान रोहितकुमार पौडेल र अलराउन्डर दीपेन्द्र सिंह ऐरी ग्लोबल टी–२० क्यानडा लिगमा अनुबन्ध भएका छन् । सन्दीप र दीपेन्द्र भ्यानकुभर नाइट्स र रोहित टोरन्टो नेसन्समा अनुबन्ध भएका हुन् ।

सन्दीप चौथो, दीपेन्द्र दोस्रो तथा रोहित पहिलोपटक यो लिग खेल्नेछन् । सन्दीपले यसअघि सन् २०१८ मा भएको पहिलो संस्करणमा मोन्ट्रेल टाइगर्स, सन् २०१९ मा टोरान्टो नेशनल्स र गत संस्करणमा सर्रे जग्वार्सबाट ग्लोबल टी–२० खेलेका थिए । उनीसम्मिलित जग्वार्स गत सिजनमा उपविजेता भएको थियो । ऊ फाइनलमा दीपेन्द्रआबद्ध मोन्ट्रेल टाइगर्ससँग ५ विकेटले पराजित भयो ।  

यसपटक सन्दीप र दीपेन्द्रअनुबन्धित भ्यानकुभर नाइट्समा पाकिस्तानका बाबर आजम, आसिफ अली, मोहम्मद आमिर, दक्षिण अफ्रिकाका ड्वेन प्रिटोरियसलगायत नाम चलेका खेलाडी छन् ।

यस्तै, रोहितसम्मिलित टोरन्टो नेसन्समा पाकिस्तानका शाहीन साह अफ्रिदी र मोहम्मद नवाज, न्यूजिल्याण्डका कोलिन मुनरो, वेस्ट इण्डिजका रोमारियो सेफर्ड, दक्षिण अफ्रिकाका रस्सीभानडर दुसेनलगायत स्टार छन् । पहिलोपटक अन्तर्राष्ट्रिय फ्रेन्चाइज प्रतियोगिता खेल्न लागेका रोहितले १२ हजार ५ सय अमेरिकी डलर अर्थात् १६ लाख ६६ हजार रुपैयाँ पारिश्रमिक प्राप्त गर्नेछन् । उनलाई टोरन्टोले राउन्ड इलाभेनबाट अनुबन्ध गरेको हो । 

यस्तै, भ्यानकुभरमा जोडिएका दीपेन्द्रले १७ हजार ५ सय डलर अर्थात् २३ लाख ३३ हजार रुपैयाँ तलब पाउने छन् । उनी राउन्ड नाइनमा बिक्री भएका थिए । त्यस्तै, भ्यानकुभरमै आबद्ध सन्दीपले ३० हजार अमेरिकी डलर अर्थात् ३९ लाख ९९ हजार रुपैयाँ पारिश्रमिक पाउने आयोजकले जनाएको छ । उनी राउन्ड एटबाट अनुबन्ध भएका हुन् ।

सन्दीपले गत सिजनको ग्लोबल टी–२० मा ५.१७ को उत्कृष्ट इकोनमीमा ११ विकेट लिए । उनी उक्त सिजनमा सर्वाधिक विकेट लिने मामलामा पाँचौं स्थानमा रहे । सन्दीपको उत्कृष्ट प्रदर्शनको मद्दतमा पनि जग्वार्सलाई फाइनल पुग्न सहज भयो । यस्तै, उनले ग्लोबल टी–२० को डेब्यू सिजन अर्थात् २०१८ मा ५ खेलमा ७.८५ को इकोनमीमा ८ विकेट लिए । 

सन् २०१९ को सिजनमा भने सन्दीपले अपेक्षाकृत प्रदर्शन गर्न सकेनन् । उक्त सिजनमा उनले ४ खेलमा ८.७३ को इकोनमीमा ५ विकेट मात्र लिए । यस्तै, दीपेन्द्रले आफ्नो पहिलो सिजनमा गत वर्ष ६ इनिङ्समा १४३ रन बनाए ।

उनले बलिङतर्फ तीन इनिङ्समा २ विकेट लिए । दीपेन्द्र अनुबन्ध भएको सिजनमा मोन्ट्रियलले उपाधि जित्न सफल भयो । ग्लोबल टी–२० क्यानडा लिगको चौथो सिजन आउँदो २५ जुलाईदेखि ११ अगस्टसम्म आयोजना हुनेछ ।  

पुरा हेर्नुहोस्

२०८१ असार ८ गते, शनिबार

भक्तपुर । बागमती प्रदेश स्केट तथा स्केटबोर्डिङ संघ, भक्तपुर स्केट तथा स्केटबोर्डिङ संघको स्वामित्वमा भक्तपुरमा गो स्केटबोर्डिङ डे सम्पन्न भएकाे छ ।

नेपाल स्केटिङ तथा स्केट बोर्डिङ संघका केन्द्रिय अध्यक्ष अच्युत खनालकाे प्रमुख आतिथि तथा भक्तपुर जिल्ला संघका अध्यक्ष किरण खड्काको संयोजकत्वमा जनप्रेमी स्कुलको प्राङगणमा रोलर स्केटिङ र स्केट बोर्डिङको डेमो शो सम्पन्न भएको थियाे । कर्यक्रमा दुई सय भन्दा बढी बिद्यार्थी दर्शक रहेका थिए भने ५ जना स्केटर्स सहभागी थियाे । 

क्लब डायनामिक स्केटिंग एण्ड जुम्बा भक्तपुर बाट निर्जला श्रेस्ठ, जेनिश अवाल, बिकास तामाङ, कपन रोलिङ स्केट कपनबाट सुमन श्रेस्ठ, प्रशान्त श्रेस्ठ लगाएतका ब्यक्तिहरुकाे उपस्थिति रहेका थिए ।

जनप्रेमी स्कुलका प्रिन्सिपल निलेस आचार्यले खुसी र धन्यबाद प्रकट गर्दै आफ्नो स्कुलमा चाडै यो खेल समाबेश गर्ने प्रतिबद्धता ब्यक्त गरेका थिए  । 

कार्यक्रम भब्य भएकोमा आफु अत्यन्त खुसी भएको बताउदै आगमी कार्यक्रमा पनि सहकार्य गर्ने प्रतिबद्दता क्लव डायनामिक भक्तपुरका सञ्चालक रोजन भसिमाले ब्यक्त गरेका थिए । 

साहसिक खेलको राम्रो भबिस्य रहेको र  नेपाल सरकारको ध्यान गए यसले पर्यटन बृद्धि गर्न सहयोग गरी पर्यटन क्षेत्रमा उलेख्य सहयोग हुने आशा बागमती प्रदेश महासचिब साजन देउजाले बताएका थिए ।

कार्यक्रममा बागमति प्रदेशका अध्यक्ष प्रकाश श्रेष्ठ, उपाध्यक्ष द्वय सुमन कटेल, विकास लामा, भक्तपुरका उपाध्यक्षद्वय सम्पन्न ढुंगेल, सुदीप ढुंगेल, परिष्कृत नेपालका अध्यक्ष विश्वराम थापा लगायतका उपस्थित रहेका थिए ।

पुरा हेर्नुहोस्

२०८१ असार ८, शनिबार

काठमाडौँ । आईटीएफ तेक्वान्दो खेलाडी रुपसिंह तामाङले दोस्रो आईटीएफ अन्तर्राष्ट्रिय न्युजिल्याण्ड च्याम्पियनसिप खेल्ने भएका छन् । जुन २४ देखि २६ तारिकसम्म न्युजिल्याण्डमा हुने अन्तर्राष्ट्रिय न्युजिल्याण्ड च्याम्पियनसिपमा रुपसिंहले नेपालबाट सहभागिता जनाउने भएका हुन् । 

न्युजिल्याण्डको हास्टिङ स्पोर्ट्स सेन्टरमा हुने प्रतियोगितामा ५० भन्दा बढी देशका खेलाडी तथा अफिसियल सहभागी हुनेछन् ।

बिहीबार एक कार्यक्रमका बिच राष्ट्रिय खेलकुद परिषद्का सदस्य सचिव टंकलाल घिसिङ र बोर्ड सदस्य अन्जन धमलाले तामाङलाई बिदाइ गरेका छन् । उनी शुक्रबार न्युजिल्याण्ड प्रस्थान गरेका छन्। 

आईटीएफ तेक्वान्दो पाँचौँ डान रहेका तामाङले आईटीएफको दुई वल्ड च्याम्पियनसिपमा सहभागिता जनाइसकेका छन् ।

पुरा हेर्नुहोस्

६ असार, चितवन । चितवनको भरतपुरमा बजेट अभावले निर्माण अलपत्र बनेको गौतम बुद्ध अन्तर्राष्ट्रिय क्रिकेट रंगशालाको थप पूर्वाधार निर्माणका लागि दोस्रोपटक आह्वान गरिएको टेण्डरमा १२ कम्पनीहरूले टेण्डर बिट गरेका छन् ।

टेण्डर हालेका १२ वटा कम्पनीहरू सबैको प्राविधिक मूल्याङ्कन सकिएको छ । उनीहरू सबैको अब आर्थिक प्रस्ताव खोलिने महानगरपालिकाका उपनिर्देशक जगन्नाथ अर्यालले अनलाइनखबरलाई जानकारी दिए । ‘प्राविधिक मूल्याङ्कनको काम सक्यौं, अब आर्थिक प्रस्ताव खोल्ने तयारी गरिएको छ,’ उपनिर्देशक अर्यालले भने, ‘७ दिनको समय दिएर सूचना जारी गरेर आर्थिक प्रस्ताव खोल्छौं ।’

अर्यालले चालु आर्थिक वर्षको असार महिनाभित्रै रंगशालाको बाँकी काम अगाडि बढाउने गरी ठेकेदार कम्पनीसँग सम्झौता गर्ने तयारी गरिएको बताए । ‘हामीलाई यो रंगशाला छिटो बनाउनु छ, यो महानगरको सबैभन्दा महत्वपूर्ण परियोजना हो, राष्ट्रको गौरवको परियोजना पनि हो,’ उपनिर्देशक अर्यालले भने, ‘विगतमा जे जे भए, अब काम रोकिंदैन, अगाडि बढ्छ भन्नेमा महानगरपालिका दृढ छ ।’

उनले असारभित्रै छनोट हुने निर्माण कम्पनीलाई पहिलो मोबिलाइजेसनसमेत दिएर काम अगाडि बढाउन लगाउने बताए ।

रंगशाला निर्माणका लागि डाँफे, खानीखोला, रविना कालीगण्डकी जेभी, ओम साइराम, प्रेरा, गौरीपार्वती, यामे, सगुन कन्ष्ट्रक्सन, खानी निर्माण, हनुमान, रोशन कन्ट्रक्सन, लामा डाइनामिकजेभीले टेण्डर हालेका छन् ।

यसअघि ३० दिनको म्याद राखेर गत फागुन १७ गते आब्हान गरिएको टेण्डर विवादित भए पछि महानगरपालिकाले रद्द गरेको थियो ।

महानगरले गत जेठ ३ गते दोस्रोपटक पुनः टेण्डर आह्वान गरेको थियो । पहिलोपटक टेण्डर गर्दा एमए कन्स्ट्रक्सन प्रा.लि.ले मात्रै ठेक्का हालेको थियो ।

ठेक्काको मापदण्ड एकमात्रै कम्पनीलाई मिल्ने गरी बनाएको भनेर सार्वजनिक आलोचनासमेत भएको थियो । महानगरले १ अर्व १० करोडको ठेक्का आह्वान हो ।

महानरपालिकाका वरिष्ठ इन्जिनियर (उपनिर्देशक) सन्तोष आचार्यका अनुसार थप १० हजार क्षमताको प्याराफिटसहित मैदानलगायतका भौतिक पूर्वाधार निर्माणका लागि टेण्डर आह्वान गरिएको हो ।
सुरुमा रंगशाला निर्माण थालेको धुर्मस सुन्तली फाण्डेशनले ५ हजार बस्ने प्याराफिट तयार गरिसकेको छ ।

वरिष्ठ इन्जिनियर आचार्यका अनुुसार मैदानसहित ५ वटा पिच, मैदानमा ड्रेनऐजसहित पछिल्लो प्रविधि अपनाएर मैदान निर्माण, २ वटा ३ /३ तलाको टावर बनाइने छ ।

एउटामा भीआइपी र खेलाडी रहनेछन् भने अर्कोमा मिडिया, अम्पायर र कर्पोरेट बक्सहरू हुनेछन् ।

रंगशालाका लागि बागमती प्रदेश सरकारले ५२ करोड ५० लाख रकम दिने निर्णय गत माघ २३ गते गरेको थियो ।

संघीय सरकारसँग पनि रंगशाला निर्माणका लागि रकम माग गरिएको महानगरपालिकाले जनाएको छ ।

संघीय मन्त्रिपरिषद्को गत कात्तिक २३ गते बसेको बैठकले गौतम बुद्ध क्रिकेट रंगशालालाई राष्ट्रिय गौरवको परियोजनाभित्र समेटेर बाँकी काम तीनै तहका सरकारहरू मिलेर पूरा गर्ने निर्णय गरेको थियो । सरकारको नीति तथा कार्यक्रममा पनि रंगशाला निर्माणलाई प्राथमिकतामा राखिएको छ ।

धुर्मस सुन्तली फाण्डेशनले बनाउन सुरु गरेको रंगशाला बजेट अभाव भएको भन्दैं २०७८ साउन २२ गतेबाट पूर्ण रुपमा काम रोकिएको थियो ।

त्रिभुवन विश्वविद्यालयको नाममा रहेको तथा कृषि तथा वन विज्ञान विश्वविद्यालयले भोगचलन गरेको २० बिघा १९ कट्ठा जग्गामा धुर्मस सुन्तली फाउण्डेशनले निर्माण थालेको रंगशालाको काम ३९ प्रतिशत काम सकिएपछि बजेट अभाव भएको बन्दै निर्माण रोकिएको थियो ।

कुल ३० हजार दर्शक क्षमताकोे रंगशालाको प्याराफिटमा ३ हजार दर्शक बस्न मिल्ने प्याराफिट बनिसकेको छ ।

प्याराफिटका लागि २८६ पिलर उभ्याइएको छ । थप निर्माणमा स्रोत जुटाउन नसकेपछि धुर्मस सुन्तली फाउण्डेशनले २०७८ पुस २ गते महानगरपालिकालाई स्वामित्व लिन अनुरोध गर्दै पत्र लेखेको थियो ।

पुरा हेर्नुहोस्

काठमाडौं । चितवनको सौराह, मेघौली, गोलाघाट, भक्तपुरको नगरकोट, दोलखाको शैलुङ क्षेत्रलाई खुला चलचित्र छायांकन क्षेत्रको रुपमा विकास गरिने भएको छ ।

शनिबार आगामी आर्थिक वर्ष २०८१/८२ को बजेट प्रस्तुत गर्दै बागमती प्रदेशका आर्थिक मामिलामन्त्री जगन्नाथ थपलियाले उक्त घोषणा गरेका हुन् । बागमती प्रदेश सरकारले सो आर्थिक वर्षको लागि ६४ अर्ब ५४ करोड ४ लाख ३१ हजार रुपैयाँको बजेट ल्याएको छ ।

बागमती प्रदेशभित्र रहेका कला, संस्कृति, भाषा, लिपी, जातजाति, धर्म, बाजागाजा आदिका बारेमा अध्ययन र अनुसन्धान गर्न चाहने अध्येतालाई प्रोत्साहन गर्न आवश्यक बजेट व्यवस्था गरिएको छ ।

बागमती प्रदेशभित्र रहेका मूर्त अमूर्त संस्कृति र सम्पदाको संरक्षण गर्न आवश्यक नीति तर्जुमा गरिने बजेटमा उल्लेख छ ।

समुदायको सहभागितामा विभिन्न जातजाति, भाषा, साहित्य, दर्शन, संस्कृति, कला, पुराना बाजा, संगीत, नाच र नाट्य लगायतका अमूर्त सांस्कृतिक सांस्कृतिक सम्पदाको सूचीकरण र संवद्र्धनात्मक कार्यक्रम संचालन गर्न आवश्यक बजेटको व्यवस्था गरिएको समेत बजेटमा उल्लेख छ ।

 

पुरा हेर्नुहोस्

बागमती प्रदेश सरकारले आगामी आर्थिक वर्ष २०८१/०८२ को बजेट माफर्त स्थानीय तहलाई ८ अर्ब ३७ करोड रुपैयाँ वित्तीय हस्तान्तरण गर्ने प्रस्ताव गरेको छ। 

प्रदेश सरकारका आर्थिक मामिला तथा योजना मन्त्री जगन्नाथ थपलियाले प्रदेश सभा बैठकमा आगामी आर्थीक वर्षको बजेट प्रस्तुत गर्दै राष्ट्रिय वित्त आयोगको सिफारिसमा स्थानीय तहलाई वितरण हुने विभिन्न अनुदानअन्तर्गत उक्त रकम प्रस्ताव गरेको बताएका छन्।

मन्त्री थपलियाले प्रदेश सरकारले समानीकरण अनुदान तर्फ १ अर्ब ६६ करोड रुपैयाँ, सशर्त अनुदानतर्फ ३ अर्ब ४३ करोड रुपैयाँ, समपूरक अनुदानतर्फ २ अर्ब ४८ करोड रुपैयाँ, विशेष अनुदानतर्फ ७९ करोड ३८ लाख रुपैयाँ विनियोजन गर्ने उल्लेख गरेका छन्।

प्रदेश सरकारले सवारी करको बाँडफाँडबाट प्रदेशका १३ जिल्लाका ११९ वटा स्थानीय तहबाट ५ अर्ब रुपैयाँ उपलब्ध हुने अनुमान गरिएको पनि मन्त्री थपालियाले बताए। 

पुरा हेर्नुहोस्

ताजा समाचार


आठौं दक्षिण एशियाली कराते च्याम्पियनशिपमा सहभागी नेपाली कराते टाेलिकाे बिदाई

असार ३१ गते, २०८१

काठमाडौं । मित्र राष्ट्र भुटानकाे राजधानी थिम्पुमा आयाेजना हुनेआठौं दक्षिण एशियाली कराते च्याम्पियनशिपमा सहभागी नेपाली कराते टाेलिलाई राखेप सदस्य सचिव टंकलाल घिसिङले बिदाई गर्नुभएकाे छ । 

राखेप स्थित उसु सेमिकभर्डहलमा आयाेजित एक औँपचारिक कार्यक्रममा आठौं दक्षिण एशियाली कराते प्रतियोगितामा सहभागी खेलाडी, प्रशिक्षण तथा टिम ब्यबस्थापकलाई बिदाई गरेकाे थियाे । बिदाई कार्यक्रममा राखेप सदस्य सचिव टंकलाल घिसिङ, नेपाल कराते महासंघका अध्यक्ष तथा पुर्व राखेप सदस्य सचिव युवराज लामा, नेपाल ओलम्पिक कमिटीका महासचिव निलेन्द्र राज श्रेष्ठ, महासंघका महासचिव दावा गुरुङलगाएत विशिष्ट ब्यक्तिहरुकाे उपस्थिति रहेकाे थियाे ।

राखेप सदस्य सचिव सचिक घिसिङले भुटानको थिम्पुमा २०८१ साउन २ गतेदेखि ४ गते (जुलाई १७–१९, २०२४) सम्म आयोजना हुने च्याम्पियनशिपमा सहभागी नेपाली कराते टिमलाई उच्च मनोबलका साथ उत्कृष्ट प्रदर्शन गरी देशको गौरव बढाउन सफलता मिलोस् भनि  शुभकामना व्यक्त गर्नुभएकाे थियाे । हाङ्जाओ एशियन गेम्समा रजत पदक बिजेता ऐरिका गुरूङ सहित सहभागी  खेेलाडी, प्रशिक्षक तथा टिम ब्यबस्थापकलाई जनही ट्रयाकसुट महासंघका  अध्यक्ष युवराज लामाले प्रदान गर्नुभए थियाे ।



पुरा हेर्नुहोस्

बाढीले इन्द्रावती तेस्रो जलविद्युत् आयोजनामा क्षति

असार ३१ गते , २०८१ 
सिन्धुपाल्चोक । याङ्ग्री तथा इन्द्रावती नदीमा गत राति आएको बाढीले इन्द्रावती तेस्रो जलविद्युत् आयोजनालाई क्षति पुर्‍याएको छ ।

७.५ मेगावाट क्षमताको आयोजनाको पाँचपोखरीको तिपेनीमा रहेको ड्याम बालुवाले भरिएको, ‘सवस्टेसन’ र पावर हाउसमा क्षति पुर्‍याएको पाँचपोखरी थाङपाल गाउँपालिकाका अध्यक्ष टासी लामाले जानकारी दिए ।

जिल्लाको क्षेत्र नम्बर २ का अधिकांश भागमा विद्युत् सेवा अवरुद्ध भएको छ । साथै खाल्डेखोलादेखि तिपेनीसम्म सडकसमेत अवरुद्ध भएको छ । यस क्षेत्रमा जाने वैकल्पिक सडक नहुँदा अत्यावश्यक यातायातका साधनसमेत चल्न नपाउँदा बिरामीसमेत मारमा परेका उनले बताए ।

त्यस्तै चिन्डे जतन जोड्ने र झोलुङ्गे पुल र याङ्ग्री पुल पनि बाढीले बगाएको स्थानीय ग्याल्बो साम्देनले बताए । याङ्ग्री तथा इन्द्रावती नदी तटीय क्षेत्रको खेतीयोग्य जमिन बगाएको छ । चिनियाँपुल, माझीरुम्टी, तिपेनी, खस्रेबालुवा र खाल्डेखोलाजस्ता बस्ती बजार र अस्पताल पनि जोखिममा रहेको बताइएको छ ।

मेलम्ची, इन्द्रावती तथा पाँचपोखरी जोड्ने मेलम्चीमा गत वर्ष मात्रै बनेको ‘बेलिबृज’ पनि जोखिममा परेको छ । त्यस्तै मेलम्चीमा नवनिर्मित बसपार्क, खेलमैदान र निर्माणाधीन कभर्डहल समेत बाढीको जोखिममा बताइएको छ । यसैगरी अरनिको राजमार्गअन्तर्गत बाह्रबिसे नगरपालिका ३ र ५ जोडिने खाग्दल खोलामा रहेको ‘बेलिबृज’ बाढीले बगाएको छ ।



पुरा हेर्नुहोस्

कोलम्बियालाई हराउँदै अर्जेन्टिना लगातार दोस्रोपल्ट कोपा अमेरिका च्याम्पियन

असार ३१, २०८१
काठमाडौँ । सब्स्टिच्युट लउटारो मार्टिनेजले अतिरिक्त समयमा गरेको गोलमा अर्जेन्टिनाले कोपा अमेरिकाको फाइनलमा कोलम्बियालाई १–० ले पराजित गर्दै सोमबार उपाधि जितेको छ । यससँगै डिफेन्डिङ च्याम्पियन अर्जेन्टिनाले उपाधिको रक्षा पनि गरेको छ ।

विश्व च्याम्पियन पनि रहेको अर्जेन्टिनाले कोपा अमेरिका जितेको यो लगातार दोस्रो पल्ट हो । निर्धारित समयको खेल गोलरहित बराबरीमा टुंगेपछि प्रतिस्पर्धा अतिरिक्त समयमा गएको हो ।

यसको १ सय १२ औं मिनेटमा जियोभानी लो सेल्सोको सटिक पासमा इन्टर मिलानका फरवार्ड मार्टिनेजले गोल गरेका हुन् । यस जितसँगै अर्जेन्टिना कोपा अमेरिकाको सबैभन्दा सफल टिम भएको छ ।

उसले दक्षिण अमेरिकी फुटबलका सबैभन्दा ठूलो प्रतियोगिता जितेको यो १६ पटक हो । यसअघि १५ पटक जितेर उरुग्वेसँग बराबरीमा रहेको थियो ।

अर्जेन्टिनाका लागि एन्जेल डी मारियाले अन्तिम पटक खेले र यससँगै उनले अन्तर्राष्ट्रिय फुटबलबाट सन्यास लिएका छन् । सम्भवतः आफ्नो अन्तिम कोपा अमेरिका खेलिरहेका लियोनल मेसी भने पूरा समय मैदानमा रहेनन् । चोटका कारण खेलको ६५ औं मिनेटमा उनी मैदान छाड्न बाध्य रहे ।



पुरा हेर्नुहोस्


बाढीले इन्द्रावती तेस्रो जलविद्युत् आयोजनामा क्षति

असार ३१ गते , २०८१ 
सिन्धुपाल्चोक । याङ्ग्री तथा इन्द्रावती नदीमा गत राति आएको बाढीले इन्द्रावती तेस्रो जलविद्युत् आयोजनालाई क्षति पुर्‍याएको छ ।

७.५ मेगावाट क्षमताको आयोजनाको पाँचपोखरीको तिपेनीमा रहेको ड्याम बालुवाले भरिएको, ‘सवस्टेसन’ र पावर हाउसमा क्षति पुर्‍याएको पाँचपोखरी थाङपाल गाउँपालिकाका अध्यक्ष टासी लामाले जानकारी दिए ।

जिल्लाको क्षेत्र नम्बर २ का अधिकांश भागमा विद्युत् सेवा अवरुद्ध भएको छ । साथै खाल्डेखोलादेखि तिपेनीसम्म सडकसमेत अवरुद्ध भएको छ । यस क्षेत्रमा जाने वैकल्पिक सडक नहुँदा अत्यावश्यक यातायातका साधनसमेत चल्न नपाउँदा बिरामीसमेत मारमा परेका उनले बताए ।

त्यस्तै चिन्डे जतन जोड्ने र झोलुङ्गे पुल र याङ्ग्री पुल पनि बाढीले बगाएको स्थानीय ग्याल्बो साम्देनले बताए । याङ्ग्री तथा इन्द्रावती नदी तटीय क्षेत्रको खेतीयोग्य जमिन बगाएको छ । चिनियाँपुल, माझीरुम्टी, तिपेनी, खस्रेबालुवा र खाल्डेखोलाजस्ता बस्ती बजार र अस्पताल पनि जोखिममा रहेको बताइएको छ ।

मेलम्ची, इन्द्रावती तथा पाँचपोखरी जोड्ने मेलम्चीमा गत वर्ष मात्रै बनेको ‘बेलिबृज’ पनि जोखिममा परेको छ । त्यस्तै मेलम्चीमा नवनिर्मित बसपार्क, खेलमैदान र निर्माणाधीन कभर्डहल समेत बाढीको जोखिममा बताइएको छ । यसैगरी अरनिको राजमार्गअन्तर्गत बाह्रबिसे नगरपालिका ३ र ५ जोडिने खाग्दल खोलामा रहेको ‘बेलिबृज’ बाढीले बगाएको छ ।

पुरा हेर्नुहोस्


कोलम्बियालाई हराउँदै अर्जेन्टिना लगातार दोस्रोपल्ट कोपा अमेरिका च्याम्पियन

असार ३१, २०८१
काठमाडौँ । सब्स्टिच्युट लउटारो मार्टिनेजले अतिरिक्त समयमा गरेको गोलमा अर्जेन्टिनाले कोपा अमेरिकाको फाइनलमा कोलम्बियालाई १–० ले पराजित गर्दै सोमबार उपाधि जितेको छ । यससँगै डिफेन्डिङ च्याम्पियन अर्जेन्टिनाले उपाधिको रक्षा पनि गरेको छ ।

विश्व च्याम्पियन पनि रहेको अर्जेन्टिनाले कोपा अमेरिका जितेको यो लगातार दोस्रो पल्ट हो । निर्धारित समयको खेल गोलरहित बराबरीमा टुंगेपछि प्रतिस्पर्धा अतिरिक्त समयमा गएको हो ।

यसको १ सय १२ औं मिनेटमा जियोभानी लो सेल्सोको सटिक पासमा इन्टर मिलानका फरवार्ड मार्टिनेजले गोल गरेका हुन् । यस जितसँगै अर्जेन्टिना कोपा अमेरिकाको सबैभन्दा सफल टिम भएको छ ।

उसले दक्षिण अमेरिकी फुटबलका सबैभन्दा ठूलो प्रतियोगिता जितेको यो १६ पटक हो । यसअघि १५ पटक जितेर उरुग्वेसँग बराबरीमा रहेको थियो ।

अर्जेन्टिनाका लागि एन्जेल डी मारियाले अन्तिम पटक खेले र यससँगै उनले अन्तर्राष्ट्रिय फुटबलबाट सन्यास लिएका छन् । सम्भवतः आफ्नो अन्तिम कोपा अमेरिका खेलिरहेका लियोनल मेसी भने पूरा समय मैदानमा रहेनन् । चोटका कारण खेलको ६५ औं मिनेटमा उनी मैदान छाड्न बाध्य रहे ।

पुरा हेर्नुहोस्


गायिका नम्रता खरेलको स्वरमा’माया पिरतीको गाउँ ’ सार्वजनिक

असार २७ बिहिवार २०८१

काठमाडौँ । गायिका नम्रता खरेल र गायक प्रविण वेडवाल को स्वरमा ’माया पिरतीको गाउँ ’ बोलको गीतको भिडियो सार्वजनिक गरिएको छ ।

’माया पिरतीको गाउँ ’ बोलको सार्वजनिक गीतको शब्द तथा संगीत सागर अधिकारी सरद को रहेको छ । गीतको भिडियोमा माया प्रेम बैंश र जीबनको अर्थलाई कलात्मक तरिकाले देखाइएको छ ।

गीतमा प्रेमी प्रेमीका विचको अन्तरंग कुराकानी लाई समेटिएको छ । मायामा रुपको पछी भन्दा पनी भावनालाई एक आपसमा कदर गर्नुपर्ने कुरा गीतमा गरिएको छ ।

पुरा हेर्नुहोस्